MORBI:મોરબી વણશોધાયેલ વાહન ચોરીનો ભેદ ઉકેલાયો, મુદ્દામાલ સાથે એક આરોપી ઝડપાયો
MORBI:મોરબી વણશોધાયેલ વાહન ચોરીનો ભેદ ઉકેલાયો, મુદ્દામાલ સાથે એક આરોપી ઝડપાયો
મોરબી તાલુકા પોલીસ સ્ટેશન વિસ્તારમાં બનેલી વાહન ચોરીની ઘટનાનો ભેદ ઉકેલવામાં પોલીસને મોટી સફળતા મળી છે. સર્વેલન્સ ટીમે વણશોધાયેલ (અનડીટેક્ટ) ગુન્હાનો ગણતરીના દિવસોમાં પર્દાફાશ કરી, ચોરીના મુદ્દામાલ સાથે એક શાતિર આરોપીને ઝડપી પાડ્યો છે.
મોરબી તાલુકા પોલીસ સ્ટેશનમાં વાહન ચોરીનો ગુન્હો રજિસ્ટર થયેલ હતો, પરંતુ કોઈ સગડ ન મળતા આ ગુન્હો વણશોધાયેલ રહ્યો હતો. આ મામલાને ગંભીરતાથી લઈને મોરબી તાલુકા પોલીસ સ્ટેશનના પોલીસ ઇન્સ્પેક્ટરના સીધા માર્ગદર્શન હેઠળ સર્વેલન્સ સ્ટાફની અલગ-અલગ ટીમોની રચના કરવામાં આવી હતી. આ ટીમોને ગુન્હામાં સંડોવાયેલા આરોપીઓ અને ચોરાયેલા મુદ્દામાલને ઝડપી પાડવા માટે ખાસ સૂચના આપવામાં આવી હતી.
તપાસ દરમિયાન સર્વેલન્સની ટીમો સતત કાર્યરત હતી. તે દરમિયાન બાતમીદારો (હ્યુમન સોર્સ) અને ટેકનિકલ માધ્યમોની મદદથી પોલીસને એક ચોક્કસ કડી હાથ લાગી હતી. આ સંયુક્ત બાતમીના આધારે પોલીસે મોરબી-ધરમપુર રોડ પર આવેલા સુરાપુરા દાદાના મંદિર પાસે વોચ ગોઠવી હતી અને ચોરીની બાઈક સાથે પસાર થતા આરોપીને દબોચી લીધો હતો.ઝડપાયેલ આરોપી: અલારખાભાઇ કાસમભાઇ કાણા રહેવાસી વનાળીયા, તા. જી. મોરબી પોલીસે ચોરીની બાઈક રિકવર કરી આરોપી વિરુદ્ધ ધોરણસરની અટકાયત કરી આગળની કાયદેસરની કાર્યવાહી હાથ ધરી છે. તાલુકા પોલીસની આ ત્વરિત કામગીરીથી સ્થાનિક રહીશોમાં સુરક્ષાની ભાવના મજબૂત થઈ છે.
