TANKARA:ટંકારાના ગજડી ગામે જમીન ખેડવા બાબતે જૂની અદાવતમાં હિંસક અથડામણ: પ્રૌઢ મહિલા પર ત્રણ શખ્સોનો હુમલો
TANKARA:ટંકારાના ગજડી ગામે જમીન ખેડવા બાબતે જૂની અદાવતમાં હિંસક અથડામણ: પ્રૌઢ મહિલા પર ત્રણ શખ્સોનો હુમલો
ટંકારા તાલુકાના ગજડી ગામે જમીન ખેડવા જેવી સામાન્ય બાબતે ચાલી રહેલી જૂની અદાવતે ગઈકાલે હિંસક સ્વરૂપ ધારણ કર્યું હતું. ભાઈએ પોતાની બહેનને ખેતી કરવા માટે આપેલી જમીન પડોશીઓને ન ગમતા, એક ૫૮ વર્ષીય પ્રૌઢ મહિલા પર ત્રણ શખ્સોએ લાકડી અને ઢીકાપાટુ વડે હુમલો કરી જાનથી મારી નાખવાની ધમકી આપી હોવાની ઘટના સામે આવી છે.
મળતી માહિતી મુજબ, ગજડી ગામના આંબલીપરા વિસ્તારમાં રહેતા દેવદેબેન ભુરાભાઈ સવસેટા (ઉ.વ. ૫૮) ને તેમના ભાઈએ વાવવા માટે જમીન આપી હતી. આ બાબત પડોશમાં રહેતા કાનાભાઇ હીરાભાઇ જારીયા અને તેમના પરિવારને ખૂંચતી હતી. આ જૂના ખારને રાખીને આરોપીઓએ દેવદેબેન સાથે ઉગ્ર બોલાચાલી કરી ગાળો ભાંડી હતી.
તકરાર વધતા આરોપીઓ ઉશ્કેરાઈ ગયા હતા અને મહિલા પર હુમલો કર્યો હતો:: કાનાભાઇ હીરાભાઇ જારીયા, શોભનાબેન કાનાભાઇ જારીયા અને જયશ્રીબેન ભુપતભાઇ જારીયા. ઈજાઓ: હુમલાખોરોએ લાકડી વડે માર મારતા મહિલાને પગના ભાગે ગંભીર મુંઢ ઈજાઓ પહોંચી હતી. આ ઉપરાંત ઢીકાપાટુનો માર મારી શરીરે ઇજાઓ કરી જાનથી મારી નાખવાની ધમકી પણ આપવામાં આવી હતી.ભોગ બનનાર મહિલાએ આ અંગે ટંકારા પોલીસ મથકે ત્રણેય આરોપીઓ વિરુદ્ધ ફરિયાદ નોંધાવી છે. પોલીસે ફરિયાદના આધારે ગુનો નોંધીને હુમલાખોરો વિરુદ્ધ કાયદેસરની તપાસ અને આગળની કાર્યવાહી હાથ ધરી છે.
