તા.૧૫.૦૪.૨૦૨૫
વાત્સલ્યમ્ સમાચાર
અજય સાંસી દાહોદ 
Dahod:દાહોદ મારુતિ સુઝુકી-આર.બી.કાર્સ પ્રાઇવેટ લિમિટેડ અને સરકારી એન્જિનિયરિંગ કોલેજ, દાહોદ વચ્ચે MoU પર હસ્તાક્ષર થયા
દાહોદ સરકારી ઇજનેરી કોલેજના વિદ્યાર્થીઓ માટે ઔદ્યોગિક સંપર્કમાં સુધારો કરવા માટે નજીકના અને સતત સંપર્ક સ્થાપિત કરવા મારુતિ સુઝુકી-આર. બી. કાર્સ પ્રાઇવેટ લિમિટેડ, દાહોદ અને સરકારી એન્જિનિયરિંગ કૉલેજ, દાહોદ વચ્ચે MOU પર હસ્તાક્ષર કરવામાં આવ્યા છે આમ આ નિર્ણય વિદ્યાર્થીઓને ઉદ્યોગો દ્વારા સામનો કરવામાં આવતા વાસ્તવિક જીવનના પડકારોને ઓળખવામાં પણ મદદ કરશે. તે સરકારી એન્જિનિયરિંગ કોલેજ દાહોદના વિદ્યાર્થીઓ માટે પ્લેસમેન્ટ સપોર્ટ, ઇન્ટર્નશિપ-ટ્રેનિંગ અને કેરિયર વૃદ્ધિમાં મહત્વપૂર્ણ ભૂમિકા ભજવીને માર્ગદર્શન તેમજ ઉદ્યોગ-શૈક્ષણિક ક્રિયા-પ્રતિક્રિયા પ્રદાન કરીને નવીનતા અને સ્ટાર્ટઅપ પ્રવૃત્તિઓને પણ સમર્થન આપશે જેથી કરીને વિદ્યાર્થીઓને નવા અનુભવની સાથોસાથ ઘણું શીખવા અને કરિયર બનાવવા નવી દિશા મળી રહેશે
