ગોપાષ્ટમી” નિમિતે કાલોલ શહેરની કામધેનુ ગૌશાળા ખાતે ગૌ માતાને છપ્પન ભોગ ધરાવાયો.ગૌ માતાનું પુજન કરાયુ.
તારીખ ૩૧/૧૦/૨૦૨૫
સાજીદ વાઘેલા કાલોલ
કાલોલ શહેરના કલાલ ઝાંપા વેરાઇ માતાના મંદિરની બાજુમાં ગોપાષ્ટમી નિમિત્તે કામધેનુ ગૌ શાળા ખાતે”ગૌ”છપ્પન ભોગનું આયોજન સુંદર રીતે કરવામાં આવ્યું હતું. ગાય માતાના પગને ધોઈ પૂજન કરવામાં આવેલ ત્યાર બાદ ગૌમાતા ને તિલક કરી પુષ્પમાળા પહેરાવેલ,ગૌમાતા ની આરતી કરી ગોળ વગેરેથી ગાયમાતા ને મીઠું મો કરાવેલ તેમજ નિણ આપી ગૌમાતા ના આશીર્વાદ પ્રાપ્ત કર્યા.છપ્પન ભોગમાં ૧૦ જાતના શાક, ૧૦ જાતના કઠોળ, ૧૦ જાતનુ દાણ,૧૦ જાતનુ અનાજ, ગાય ખાય તેવી મીઠાઈ અને ફળો ધરાવવામાં આવ્યા હતા કાર્યક્ર્મ નુ આયોજન વિશ્વ હિન્દુ પરિષદ,વિષ્ણુસહસ્ત્રનામ પરિવાર,પતંજલિ પરિવાર, ગાયત્રી પરિવાર,કામધેનુ ગૌશાળા ટ્રસ્ટ અને દર્શન તથા પંડ્યા પરિવાર તેમજ ગૌ પ્રેમી ભાઇ-બહેનોએ ઉત્સાહભેર ગૌ છપ્પન ભોગના આયોજનમાં ભાગ લીધો હતો અને ગૌ માતાના દર્શન કરી આશીર્વાદ લઇ ગોપાષ્ટમી પર્વની દબદબાભેર ઉજવણી કરવામાં આવી હતી ગૌ શાળા ના ટ્રસ્ટી સતીશ શાહ, ટ્રેઝરર રતિલાલ પટેલ, સેક્રેટરી જયંતી પંડ્યા તેમજ તમામ ટ્રસ્ટીઓ હાજર રહ્યા હતા. આ પ્રસંગે કુમાર ખંડેશકાન્ત દેસાઈ પરિવાર કાલોલ હાલ (મુંબઈ) તરફથી આજ નાં દીને બે ગીર ગાય નું દાન કામધેનુ ગૌ શાળામાં આપવામાં આવ્યું હતું.
