પેરિસ પેરાલિમ્પિક્સમાં પ્રવીણ કુમારે હાઈ જમ્પમાં જીત્યો ગોલ્ડ
ભારતીય પેરા એથ્લેટ પ્રવીણ કુમારે T64ની ફાઇનલમાં ગોલ્ડ મેડલ જીતવામાં સફળતા મેળવી છે.
ભારતના 21 વર્ષીય પેરા એથ્લેટ પ્રવીણ કુમાર પેરિસ પેરાલિમ્પિક્સમાં ભારત માટે 9મા દિવસે ઉંચી કૂદની T64 ફાઈનલ ઈવેન્ટમાં ગોલ્ડ મેડલ જીતવામાં સફળ રહ્યા હતા. પેરિસ પેરાલિમ્પિક્સમાં ભારતનો આ 26મો અને છઠ્ઠો ગોલ્ડ મેડલ છે. પ્રવીણ કુમારે 2.08 મીટરની ઉત્તમ ઉંચી કૂદ સાથે ગોલ્ડ મેડલ જીત્યો હતો. પેરાલિમ્પિક્સના ઈતિહાસમાં હાઈ જમ્પ ઈવેન્ટમાં ભારતનો અત્યાર સુધીનો આ 11મો મેડલ છે. ઉત્તર પ્રદેશના નોઈડાના 21 વર્ષીય પેરા એથ્લેટ પ્રવીણ કુમાર, પેરાલિમ્પિક્સમાં હાઈ જમ્પ ઈવેન્ટમાં સુવર્ણ ચંદ્રક જીતનાર મરિયપ્પન થંગાવેલુ બાદ બીજા ભારતીય બન્યા છે.
ઉંચી કૂદની T64 ફાઈનલ ઈવેન્ટમાં પ્રવીણ કુમારે અમેરિકા અને ઉઝબેકિસ્તાનના પેરા એથ્લેટ્સને હરાવ્યા હતા. જ્યારે પ્રવીણે 2.08 મીટરનો ઊંચો કૂદકો લગાવ્યો હતો, ત્યારે અમેરિકન પેરા એથ્લેટ ડેરેક લોકિડેન્ટે 2.06 મીટરની ઉંચી છલાંગ સાથે સિલ્વર મેડલ જીત્યો હતો. ઉઝબેકિસ્તાનના તેમુરબેક ગિયાઝોવ 2.03 મીટર કૂદીને બ્રોન્ઝ મેડલ જીતવામાં સફળ રહ્યો હતો. આ પહેલા પ્રવીણ કુમારે ટોક્યો પેરાલિમ્પિકમાં સિલ્વર મેડલ જીત્યો હતો.
પ્રવીણ કુમારે ગોલ્ડ મેડલ જીત્યા બાદ પેરાલિમ્પિક ગેમ્સના ઈતિહાસમાં ભારતનું આ સર્વશ્રેષ્ઠ પ્રદર્શન છે. ટોક્યો પેરાલિમ્પિક્સમાં ભારતે કુલ 19 મેડલ જીત્યા હતા. જેમાં 5 ગોલ્ડ મેડલનો સમાવેશ થાય છે. આ વખતે પેરાલિમ્પિક્સમાં જ્યાં ભારત અત્યાર સુધી 26 મેડલ જીતવામાં સફળ રહ્યું છે. અવની લખેરા, નિતેશ કુમાર, સુમિત અંતિલ, હરવિંદર સિંહ, ધરમબીર અને પ્રવીણ કુમારે પેરિસ પેરાલિમ્પિક્સમાં ભારત માટે ગોલ્ડ મેડલ જીત્યા છે.
