દાહોદ જિલ્લાના દેવધા ગામે તંત્રની સતર્કતાથી આંગણવાડીના બાથરૂમમાં ફસાયેલા ઇસમનું સફળ રેસ્ક્યુ
તા.૧૨.૦૮.૨૦૨૬
વાત્સલ્યમ્ સમાચાર
અજય સાંસી દાહોદ
Dahod:દાહોદ જિલ્લાના દેવધા ગામે તંત્રની સતર્કતાથી આંગણવાડીના બાથરૂમમાં ફસાયેલા ઇસમનું સફળ રેસ્ક્યુ
જનરક્ષક-112, ફાયર બ્રિગેડ અને પોલીસની સતર્કતાથી આંગણવાડીના બાથરૂમમાં અંદરથી બંધ થયેલા ઇસમને સુરક્ષિત બહાર કઢાયો 
કોઈપણ કટોકટીની પરિસ્થિતિમાં સમયસર મળતી મદદ અને ત્વરિત કાર્યવાહી માનવજીવન માટે નિર્ણાયક સાબિત થાય છે.દાહોદ જિલ્લાના દેવધા ગામે જનરક્ષક-112, દાહોદ ફાયર બ્રિગેડ અને ગરબાડા પોલીસની સંકલિત કામગીરીથી આ વાત ફરી એકવાર સાબિત થઈ છે તા.11 ઓગસ્ટ, 2026ના રોજ કંટ્રોલ રૂમમાં કોલર દ્વારા માહિતી આપવામાં આવી હતી કે, દેવધા ગામની આંગણવાડીના બાથરૂમમાં એક અજાણ્યો ઇસમ અંદરથી દરવાજો બંધ કરીને બેઠો છે. માહિતી મળતાં જ કતવારા પોલીસ સ્ટેશનની જનરક્ષક-112 ટીમના અનિલભાઈ પારગી (બકલ નં. 623) અને ધવલભાઈ કામોલ (Emp ID: 256056) એ તાત્કાલિક પ્રતિસાદ આપ્યો અને ગણતરીની મિનિટોમાં ઘટનાસ્થળે પહોંચી ગયા હતા.સ્થળ પર પહોંચતાં બાથરૂમનો દરવાજો અંદરથી બંધ હોવાનું જણાયું હતું. અંદર રહેલા ઇસમની સલામતી અંગે ચિંતા ઉપસ્થિત થતાં જનરક્ષક-112 ટીમે પરિસ્થિતિની ગંભીરતા સમજી તાત્કાલિક દાહોદ ફાયર બ્રિગેડને જાણ કરી હતી. સાથે જ રેસ્ક્યુ દરમિયાન કાયદો અને વ્યવસ્થા જળવાઈ રહે તે માટે ગરબાડા પોલીસને પણ ઘટનાસ્થળે બોલાવવામાં આવી હતી.થોડા જ સમયમાં ફાયર બ્રિગેડની ટીમ ઘટનાસ્થળે પહોંચી હતી. સ્થળની પરિસ્થિતિનું નિરીક્ષણ કર્યા બાદ ફાયર બ્રિગેડના જવાનોએ જરૂરી તકેદારી સાથે રેસ્ક્યુ કામગીરી હાથ ધરી હતી.જનરક્ષક-112 અને પોલીસની હાજરી તથા પરસ્પર સંકલન વચ્ચે ફાયર બ્રિગેડની ટીમે સફળતાપૂર્વક બાથરૂમનો દરવાજો ખોલી અંદર રહેલા ઇસમને સુરક્ષિત રીતે બહાર કાઢ્યો હતો.રેસ્ક્યુ બાદ પોલીસ દ્વારા કરવામાં આવેલી પૂછપરછમાં ઇસમે પોતાનું નામ ચેતનભાઈ ભૂંડાભાઈ અંબારીયા અને વતન પાટડી, જિલ્લો સુરેન્દ્રનગર હોવાનું જણાવ્યું હતું. ત્યારબાદ જરૂરી કાયદેસરની કાર્યવાહી માટે તેમને ગરબાડા પોલીસ સ્ટેશન ખાતે સોંપવામાં આવ્યા હતા.આ સમગ્ર ઘટનામાં કંટ્રોલ રૂમથી મળેલી માહિતી પર જનરક્ષક-112ની ટીમે તાત્કાલિક પ્રતિસાદ આપ્યો, ઘટનાસ્થળે પહોંચી પરિસ્થિતિનું મૂલ્યાંકન કર્યું અને ફાયર બ્રિગેડ તથા સ્થાનિક પોલીસ સાથે સમયસર સંકલન સાધ્યું. પરિણામે કોઈ અનિચ્છનીય ઘટના બન્યા વિના રેસ્ક્યુ કામગીરી સફળતાપૂર્વક પૂર્ણ થઈ હતી આ કામગીરી માત્ર એક રેસ્ક્યુ ઓપરેશન નથી, પરંતુ સંકટની ઘડીમાં તાત્કાલિક પ્રતિસાદ, વિભાગો વચ્ચેનું સંકલન અને માનવજીવનની સુરક્ષા પ્રત્યેની પ્રતિબદ્ધતાનું ઉત્તમ ઉદાહરણ છે.જનરક્ષક-112ની સતર્કતા, ફાયર બ્રિગેડની કુશળતા અને પોલીસના સંકલિત પ્રયાસોથી એક મુશ્કેલ પરિસ્થિતિને સફળતાપૂર્વક સંભાળી લેવામાં આવી હતી“સમયસર પ્રતિસાદ, શ્રેષ્ઠ સંકલન અને માનવજીવનની સુરક્ષા—જનરક્ષક-112ની કામગીરીનું આ જ છે સાચું ધ્યેય.”જનરક્ષક-112-તમારી સુરક્ષા,અમારી પ્રાથમિક
