લખતરમાં ફાયરિંગની ઘટનાને લઇ LCB, SOG, લખતર પોલીસનું ફૂટ પેટ્રોલિંગ હાથ ધરવામાં આવ્યું હતું.
તા.03/12/2024/
બાવળિયા ઉમેશભાઈ સુરેન્દ્રનગર
સુરેન્દ્રનગર જિલ્લાના લખતર શહેરમાં ફાયરિંગની ઘટના સામે આવી છે ગેસ્ટ હાઉસના રૂમમાં બેઠેલા ગેસ્ટ હાઉસના માલિક ઉપર તાલુકાનાં જ દેવળીયા ગામનાં શખસે ફાયરિંગ કર્યું હોવાનો બનાવ બન્યો છે જેને પગલે કાયદો અને વ્યવસ્થાની સ્થિતિને ધ્યાને લઇને પોલીસ વિભાગ એલર્ટ થયો છે પોલીસે એક આરોપીની ધરપકડ કરી હતી જેના બે દિવસના રિમાન્ડ કોર્ટ દ્વારા મંજૂર કરાયા છે લખતર ખાતે કોન્ટ્રાક્ટર અને ગેસ્ટ હાઉસ માલિક ભરતસિંહ પરમાર અને દેવળીયા ધર્મેન્દ્રસિંહ રાણા વચ્ચે ચારેક દિવસ ટેલિફોનિક બોલાચાલી અગાઉ થઈ હતી જેને લઇને ધર્મેન્દ્રસિંહના ભાઈ અજયસિંહ રાણા અને અન્ય શખસે ભરતસિંહ ગેસ્ટ હાઉસે હતા ત્યારે રૂમમાં આવી ફાયરિંગ કર્યું હતું જેમાં ભરતસિંહને ઈજાઓ પહોંચી હતી આ અંગે ભરતસિંહ દ્વારા લખતર પોલીસ સ્ટેશનમાં ધર્મેન્દ્રસિંહ, અજયસિંહ અને અજાણ્યા શખસ વિરૂદ્ધ ફરિયાદ નોંધાવવામાં આવી છે ત્યારે લખતર પોલીસે ધર્મેન્દ્રસિંહ રાણાને ઝડપી પાડ્યા છે જેઓને કોર્ટમાં રજૂ કરી રિમાન્ડની માંગણી કરતા કોર્ટ દ્વારા બે દિવસના રિમાન્ડ મંજૂર કર્યા છે પોલીસે અન્ય બે આરોપીને પકડવા તજવીજ હાથ ધરી છે સુરેન્દ્રનગર એસઓજી, એલસબી, લખતર પોલીસ દ્વારા ફાયરિંગના બનાવ બાદ સતત શહેરમાં ફૂટ પેટ્રોલિંગ કરાયું હતું.
