MORBI:મોરબીના શકત શનાળા નજીક વાડી વિસ્તારમાં પાણીની પાઇપ લાઇન કામ બાબતે પાડોશી બાખડયા :સામસામી ફરિયાદ
MORBI:મોરબીના શકત શનાળા નજીક વાડી વિસ્તારમાં પાણીની પાઇપ લાઇન કામ બાબતે પાડોશી બાખડયા :સામસામી ફરિયાદ
MORBi:મોરબીના શકત શનાળા ગામ નજીક ગોકુલનગર પાસે આવેલ વાડી વિસ્તારમાં વાડ માટે બંધ કરેલ રસ્તાનું થયેલ ડીમોલીશન કામનો ખાર રાખી જ્યારે બીજીબાજુ પાલિકા દ્વારા નાખવામાં આવી રહેલ પાણીની પાઈપલાઈનનું કામ બંધ કરવાની બબાલમાં પાડોશી પરિવાર વચ્ચે લાકડી, ધોકા વડે સામસામે મારામારી થતા બંને પરિવારના સભ્યોને મુંઢ ઈજાઓ પહોંચી હતી. ત્યારે સમગ્ર મામલો પોલીસ મથકે પહોંચ્યો હતો. ત્યારે બંને પક્ષે સામસામી ફરિયાદ નોંધાવતા હાલ મોરબી સીટી પોલીસે બે મહિલા સહિત કુલ ચાર આરોપીઓ સામે ગુનો નોંધી વધુ તપાસ હાથ ધરી છે.
મળતી માહિતી અનુસાર પ્રથમ પક્ષે નોંધાવેલ ફરિયાદ મુજબ ફરિયાદી સંજયભાઇ ગોવીંદભાઇ કંઝારીયા ઉવ.૩૨ રહે.જાગાની વાડી ગોકુલનગર શનાળા રોડ મોરબી વાળાએ આરોપી લાભુબેન કેશવજીભાઇ ડાભી તથા મુકતાબેન છગનભાઇ ડાભી રહે.બન્ને ઘુડની વાડી ગોકુલનગર પાછળ મોરબી વિરૂદ્ધ સીટી એ ડિવિઝન પોલીસ મથકમાં ફરિયાદ નોંધાવી કે આરોપી મહિલા લાભુબેન કેશવજીભાઇ ડાભી તથા મુકતાબેન છગનભાઇ ડાભી નાઓએ વાડ માટે રસ્તો બંધ કરેલ હોય જેથી ફરીયાદી સંજયભાઈએ મામલતદાર કચેરીમાં દાવો દાખલ કરેલ હોય જે દાવાનો ચુકાદો ફરીયાદી તરફેણમાં આવ્યો હતો. ત્યારે ગઇકાલ રસ્તો ખુલ્લો કરવા મામલતદાર કચેરી દ્રારા ડીમોલેશન કરવામાં આવતા જે બાબતનો ખાર રાખી આરોપી લાભુબેને સંજયભાઇને લાકડી વતી એક ઘા વાસામાં મારી મુંઢ ઇજા કરી તેમજ આરોપી મુકતાબેન છગનભાઇ ડાભીએ કપડા ધોવાના ધોકાનો છુટો ઘા ફરીયાદીને મારવા માટે કોશીષ કરી હોવાની ફરિયાદ નોંધાવી હતી.
જ્યારે સામાપક્ષે શનાળા રોડ, ગોકુલનગર શેરી નં.૨૧ માં રહેતા ફરિયાદી લીલાબેન કેશવજીભાઇ ભીમજીભાઇ ડાભી ઉવ.૬૨ એ આરોપી સંજયભાઇ ગોવિંદભાઇ કંઝારીયા તથા આરોપી રોહીતભાઇ સામજીભાઇ કંઝારીયા રહે.બંને જાગાની વાડી ગોકુલનગર પાછળ મોરબી વાળા વિરૂદ્ધ ફરિયાદ નોંધાવી કે લીલાબેનના ઘરની સામે વાડી વિસ્તારમાં નગર પાલીકાની પાણીની લાઇન નાખવાનું કામ ચાલુ હોય જેને લીલાબેનના પતિ દ્વારા કામ બંધ કરાવ્યું હોય કેમ કે જમીન માપણીની સીટ હજુ આવી ન હોય જે માટે જે.સી.બી.ના ચાલકને ખોદકામ કરતાં અટકાવી કામ બંધ કરાવતા આરોપી સંજભાઈ તથા આરોપી રોહિતભાઇને સારૂ નહીં લાગતા બંને આરોપીઓએ લીલાબેનના ઘર પાસે આવી ગાળો બોલતા હોય જેથી ગાળો બોલવાની ના પાડતા આ બન્ને ઉશ્કેરાઇ જઇ લીલાબેનને શરીરે ઢીકા પાટુનો માર મારી પછાડી દીધેલ અને રોહીતભાઇએ ત્યા શેરીમાં પડેલ ઇંટૂના ટુકડા લઇ છુટો ઘા મારતા તેમને ડાબા હાથે તથા વાસાના ભાગે લાગતા મૂઢ ઇજા પહોંચાડયાની ફરિયાદ નોંધાવી છે
