Rajkot: આર.ટી.ઓ. દ્વારા મોટર વાહનોની નવી જી.જે.૦૩ પી.જે. સિરીઝનું ઈ-ઓક્શન કરાશે
તા.૨૫/૬/૨૦૨૫
વાત્સલ્યમ્ સમાચાર
ગોલ્ડન-સિલ્વર નંબર મેળવવા ઈચ્છુક વાહનધારકોએ પાસે અરજીઓ કરવાની રહેશે
Rajkot: પ્રાદેશિક વાહનવ્યવહાર કચેરી-રાજકોટ દ્વારા મોટર વાહનો માટેની જી.જે. ૦૩ પી.જે. સિરીઝની ઈ-ઓક્શનની પ્રક્રિયા બીજી જુલાઈથી શરૂ કરવામાં આવશે.
આર.ટી.ઓ.ની યાદીમાં જણાવાયું છે કે, આ સિરીઝ તેમજ અગાઉની સિરીઝના બાકી રહેતા ગોલ્ડન-સિલ્વર નંબર મેળવવા ઈચ્છુક વાહનચાલકોએ તેમના વાહનોનું parivahan.gov.in/fancy પર ઓનઆઈન રજિસ્ટ્રેશન કરીને ઈ-ઓક્શનમાં ભાગ લઈ શકશે. આ માટે બીજી જુલાઈએ સાંજે ચાર કલાકથી ૧૪ જુલાઈ સાંજે ચાર કલાક સુધીમાં ઓનલાઈન અરજી કરવાની રહેશે. તા.૧૪મી જુલાઈએ સાંજે ૪.૦૧ કલાકથી ૧૬ જુલાઈના સાંજે ચાર કલાક સુધીમાં ઓનલાઈન ઓક્શન બિડિંગ પ્રક્રિયા પૂર્ણ થયા બાદ, તા.૧૬ જુલાઈના રોજ સાંજે ૪.૧૫ કલાકે ઓનલાઈન પરિણામ જાહેર કરવામાં આવશે.
વાહન વેચાણ તારીખથી સાત દિવસની અંદર સી.એન.એ. ફોર્મ ઓનલાઈન ભરેલું હોવું ફરજિયાત છે. સમયમર્યાદા બહારની અરજી ધ્યાને લેવાશે નહીં તેમ યાદીમાં જણાવાયું છે.
