- લેખક: ભાસ્કર નેરુરકર, પ્રમુખ – હેલ્થ ઍડ્મિનિસ્ટ્રેશન ટીમ, બજાજ આલિયાન્ઝ જનરલ ઇન્શ્યોરન્સ
આજની દુનિયામાં હેલ્થ ઇન્શ્યોરન્સ એક આવશ્યક ફાઇનાન્શિયલ ટૂલ બની ગયું છે. કોવિડ-19 મહામારી પછી સંક્રમણ અને સંબંધિત બીમારીઓમાં થયેલ વધારાથી હેલ્થ ઇન્શ્યોરન્સ પૉલિસી હોવાના મહત્વ વિશે લોકોમાં જાગૃતિ વધી છે. આપણે તેનું મહત્વ સમજીએ છીએઅનેતેનેક્યાંથીખરીદવુંતેજાણીએછીએ, પરંતુતેનીકિંમતકેવીરીતેનક્કીથાયછે? મૂળભૂત રીતે, તે વ્યક્તિના સ્વાસ્થ્ય અને સુખાકારી પર આધારિત છે. આ લેખમાં, અમે જણાવીશું કે પ્રીમિયમની ગણતરી કેવી રીતે કરવામાં આવે છે અને સારા સ્વાસ્થ્યને જાળવીને તમે આ ખર્ચને કેવી રીતે ઘટાડી શકો છો તે વિશેની ટિપ્સ પ્રદાન કરીશું.
ચાલો પ્રીમિયમ નિર્ધારિત કરતા કેટલાક મહત્વપૂર્ણ પરિબળો પર ચર્ચા કરીએ: –
વીમાધારકની ઉંમર: તમારી હેલ્થ ઇન્શ્યોરન્સ પૉલિસી માટે પ્રીમિયમ નિર્ધારિત કરવામાં આ સૌથી મહત્વપૂર્ણ પરિબળોમાંથી એક છે. યુવા વ્યક્તિઓનું પ્રીમિયમ સામાન્ય રીતે ઓછું હોય છે કારણ કે તેમની બીમાર થવાની સંભાવના ઓછી હોય છે કારણ કે યુવાવસ્થામાં તેમનું સ્વાસ્થ્ય વૃદ્ધ વ્યક્તિઓની તુલનામાં વધુ સારું હોય છે. જેમ જેમ લોકોની ઉંમર વધે છે, તેમ તેમ બીમારી થવાની શક્યતા વધે છે, અને તેઓને ડાયાબિટીસ, હાઇ બ્લડ પ્રેશર અને હાઇ કોલેસ્ટ્રોલ જેવા જીવનશૈલી સંબંધિત રોગો થઈ શકે છે. પરિણામે, વૃદ્ધ વ્યક્તિઓનું પ્રીમિયમ વધુ હોય છે. તેથી, હેલ્થ ઇન્શ્યોરન્સ નાની ઉંમરે શરૂ કરવાની ભલામણ કરવામાં આવે છે.
વીમાકૃત રકમ અને કવરેજ: ધ્યાનમાં લેવા જેવું અન્ય આવશ્યક પરિબળ એ છે કે તમે તમારી પૉલિસી કેટલી વીમાકૃત રકમની લો છો. વીમાકૃત રકમ એ તમે જેટલી રકમનું કવરેજ મેળવવા માંગો છો તે રકમ છે. જો તમને હૉસ્પિટલમાં દાખલ કરવામાં આવે તો તમારા ખર્ચને પહોંચી વળવા માટે પર્યાપ્ત વીમાકૃત રકમ પસંદ કરવાની ભલામણ કરવામાં આવે છે.
વધુમાં, પૉલિસી દ્વારા ઑફર કરવામાં આવતા કવરેજને ધ્યાનમાં લો, જેમાં મેડિકલ સારવાર, સર્વિસ અને પ્રદાન કરેલી સુવિધાઓ શામેલ છે. આમાં ઍડવાન્સ્ડ મેડિકલ સર્જરી, રૂમના ભાડા, કન્ઝ્યુમેબલ્સ, વેલનેસ બેનિફિટ અને મેટરનિટી કવરેજ શામેલ હોઈ શકે છે. તે જરૂરી છે કે તમારે જે કવરેજની જરૂર છે તે પર્યાપ્ત વીમાકૃત રકમ સાથે સંરેખિત હોય, કારણ કે ઍડવાન્સ્ડ મેડિકલ સારવાર મોંઘી હોઈ શકે છે. જેમ કવરેજની વ્યાપકતા વધે છે, તેમ પ્રીમિયમ પણ વધી શકે છે.
ઇન્શ્યોરન્સનો સમયગાળો: સામાન્ય રીતે, હેલ્થ ઇન્શ્યોરન્સ પૉલિસીઓ એ ઇન્શ્યોરન્સ લેનાર અને ઇન્શ્યોરન્સ કંપની વચ્ચે એક વર્ષનો કરાર હોય છે. જો કે, 3 અથવા 5 વર્ષ જેવા વિસ્તૃત સમયગાળાને પસંદ કરવું શક્ય છે. આ વિસ્તૃતસમયગાળામાટેઇન્શ્યોરન્સકવરેજખરીદવાનીભલામણકરવામાંઆવેછે, કારણકેઇન્શ્યોરન્સકંપનીઓઘણીવારલાંબાગાળાનીપ્રતિબદ્ધતાઓમાટેડિસ્કાઉન્ટપ્રદાનકરેછે.
પહેલેથી હોય તેવા અથવા જીવનશૈલી સંબંધિત રોગો: ડાયાબિટીસ, હાઇ કોલેસ્ટ્રોલ અથવા હાઇ બ્લડ પ્રેશર જેવી પહેલેથી હોય તેવી સ્થિતિઓ ધરાવતા વ્યક્તિઓને સામાન્ય સ્વાસ્થ્ય સમસ્યાઓ ધરાવતા લોકોની તુલનામાં થોડું વધુ પ્રીમિયમ ચૂકવવું પડી શકે છે. જો તમારો પરિવારનો ઇતિહાસ પહેલેથી હોય તેવા રોગોનું આનુવંશિક પૂર્વાનુમાન સૂચવે છે, તો વહેલી ઉંમરે હેલ્થ ઇન્શ્યોરન્સ લેવો મહત્વપૂર્ણ છે. આ અભિગમથી તમને એ લાભ થશે કે તમે સ્વસ્થ હોવ ત્યારે પૉલિસીને સુરક્ષિત રાખી શકો છો અને જો તમને ભવિષ્યમાં કોઈપણ બીમારી થાય, તો પૉલિસી હેઠળની “વેઇટિંગ પિરિયડ” ની શરત પૂર્ણ થઈ ગઈ હશે. વધુમાં, ચોક્કસ હેલ્થ ઇન્શ્યોરન્સ પૉલિસીઓ પહેલેથી હોય તેવી બીમારીઓ ધરાવતા વ્યક્તિઓ માટે બનાવવામાં આવી છે.
વ્યક્તિગત અથવા ફેમિલી ફ્લોટર:વ્યક્તિગત પૉલિસી એક વ્યક્તિને કવર કરે છે, જ્યારે ફેમિલી ફ્લોટર પૉલિસી એક પૉલિસી હેઠળ બહુ વિધ સભ્યોને કવર કરે છે. ફેમિલી ફ્લોટર પૉલિસીમાં, વીમાકૃત રકમ પરિવારના તમામ સભ્યો વચ્ચે વહેંચવામાં આવે છે, એટલે કે પરિવારના કોઈ પણ અથવા તમામ સભ્યો વીમા કૃત રકમ ની મર્યાદા સુધી મેડિકલ સારવારનો લાભ લઈ શકે છે. પરિણામે, ફેમિલી ફ્લોટર પૉલિસીનું પ્રીમિયમ વધુ હોય છે. જો કે, આ પૉલિસીઓ એકંદરે વાજબી હોઈ શકે છે, કારણ કે તેઓ એકજ વીમા કૃત રકમ હેઠળ સંપૂર્ણ પરિવારને વ્યાપક કવરેજ પ્રદાન કરે છે, જે બહુ વિધ સભ્યો માટે હેલ્થ કેરના ફાઇનાન્શિયલ જોખમોને મેનેજ કરવામાં ફાયદા કારક બની શકે છે.
ભૌગોલિક વિસ્તાર: ઇન્શ્યોરન્સ લેનારનું રહેઠાણનું સ્થાન પણ એક મહત્વપૂર્ણ પરિબળ છે, કારણ કે તબીબી સુવિધાઓ અને ખર્ચ સમગ્ર પ્રદેશોમાં અલગ–અલગ હોય છે. મુંબઈ, દિલ્હી અને બેંગલોર જેવા મેટ્રો અને કોસ્મોપોલિટન સ્થળો નાના શહેરો, સ્થળો અને નગરો કરતાં વધુ મેડિકલ ખર્ચ ધરાવે છે. તેને અનુરૂપ, પ્રીમિયમનો ખર્ચ પણ અલગ હોઈ શકે છે.
હવે, ચાલો પ્રીમિયમ ઘટાડવા માટે આપણે શું કરી શકીએ તે વિશે ચર્ચા કરીએ.
સ્વસ્થ જીવનશૈલી જાળવવી: સ્વસ્થ જીવનશૈલી જાળવવી ખૂબ જ મહત્વપૂર્ણ છે. ચાલવું, રમતો રમવું અથવા જિમમાં જવા જેવી શારીરિક પ્રવૃત્તિઓમાં જોડાવું, સારી રીતે સંતુલિત આહાર લેવો જરૂરી છે. આ પ્રવૃત્તિઓ તમને સારો અનુભવ આપે છે અને તમને સક્રિય અને જીવંત જીવન જીવવામાં મદદ કરે છે. વધુમાં, જો તમે સ્વસ્થ જીવનશૈલી જાળવી રાખો છો, તો તમે તમારા હેલ્થ ઇન્શ્યોરન્સ પ્રીમિયમ પર ડિસ્કાઉન્ટ માટે પાત્ર બની શકો છો. આ વ્યક્તિઓને તેમના સ્વાસ્થ્યને પ્રાથમિકતા આપવા અને ઓછા ઇન્શ્યોરન્સ ખર્ચથી લાભ મેળવવા માટે પ્રોત્સાહિત કરે છે.
સહ–ચુકવણી: સહ–ચુકવણીનો અર્થ એ છે કે ઇન્શ્યોરન્સ લેનાર દરેક મેડિકલ ક્લેઇમની રકમની નિશ્ચિત ટકાવારીમાં ફાળો આપવા માટે સંમત થાય છે. આ ટકાવારી 10% થી 50% સુધીની હોઈ શકે છે. ઉદાહરણ તરીકે, જો કોઈને હૉસ્પિટલમાં દાખલ કરવામાં આવે છે અને ઇન્શ્યોરન્સ લેનાર દ્વારા પસંદ કરેલ 10% સહ–ચુકવણી વિકલ્પ સાથે મેડિકલ બિલ ₹50,000 છે, તો ઇન્શ્યોરન્સ લેનાર તેમના ખર્ચના ભાગરૂપે ₹5,000 ની ચુકવણી કરશે. આ વ્યવસ્થા તમારા પ્રીમિયમના ખર્ચને નોંધપાત્ર રીતે ઘટાડી શકે છે, કારણ કે ફાઇનાન્શિયલ જવાબદારી વહેંચવાથી ઇન્શ્યોરન્સ કંપનીના જોખમમાં પણ ઘટાડો થાય છે.
ક્લેઇમનો ઈતિહાસ: જો તમે સ્વસ્થ જીવનશૈલી જાળવી રાખો છો અને પૉલિસીના સમગ્ર સમયગાળા દરમિયાન હૉસ્પિટલમાં દાખલ થતા નથી, તો તમે સંચિત બોનસ માટે પાત્ર બનો છો. આ બોનસ અન્ય લાભો સહિત પ્રીમિયમમાં થોડોક કે કોઈ વધારા વગર વીમાકૃત રકમના વધારાનું કારણ બની શકે છે.
તમારા કવરેજ વિશે માહિતગાર નિર્ણયો લેવા માટે હેલ્થ ઇન્શ્યોરન્સ પ્રીમિયમ કેવી રીતે નિર્ધારિત કરવામાં આવે છે તે સમજવું મહત્વપૂર્ણ છે. આ જ્ઞાન તમને તમે ચૂકવી રહ્યા છો તે પ્રીમિયમ અને તેમને પ્રભાવિત કરતા પરિબળો વધુ સારી રીતે સમજવા માટે સશક્ત બનાવે છે. તમારી હેલ્થ ઇન્શ્યોરન્સની જરૂરિયાતો માટે પ્રતિષ્ઠિત ઇન્શ્યોરન્સ કંપની પસંદ કરવી પણ જરૂરી છે. હેલ્થ ઇન્શ્યોરન્સ પૉલિસી ખરીદતી વખતે ઉચ્ચ ક્લેઇમ સેટલમેન્ટ રેશિયો, શ્રેષ્ઠ સર્વિસ અને મજબૂત ફાઇનાન્શિયલ સ્થિતિ ધરાવતી કંપનીઓને પસંદગી કરવી જોઈએ. માહિતગાર અને સક્રિય રહીને, તમે એક એવી પૉલિસી સુરક્ષિત કરી શકો છો જે તમારા ફાઇનાન્શિયલ સ્વાસ્થ્યને ધ્યાનમાં રાખે અને માનસિક શાંતિ સુનિશ્ચિત કરવાની સાથે તમારી જરૂરિયાતોને પણ શ્રેષ્ઠ રીતે પૂર્ણ કરતી હોય.
