France, Spain, Portugak, Belgium માં અંધારપટ વીજ પુરવઠો ઠપ્પ
યુરોપના અનેક દેશોમાં વીજ પુરવઠો ઠપ્પ ફ્રાન્સ, સ્પેન,પોર્ટુગલ, બેલ્જિયમમાં અંધારપટ ચેક રિપબ્લિક, આયર્લેન્ડ, પોલેન્ડ, જર્મનીમાં પણ અસર કેટલાંક દેશમાં હવાઈ સેવા પણ ખોરવાઇ હવાઈ મુસાફરી સહિત અનેક સેવાઓ ઠપ્પ રેલ વ્યવહારથી લઈને આર્થિક વ્યવહારો અટક્યા મેટ્રો સેવા ઠપ્પ થતા.
યુરોપના ઘણા દેશોમાં અચાનક વીજળીનું ગંભીર સંકટ સર્જાયું. Spain અને Portugal સહિત ઘણા વિસ્તારોમાં મોટા પાયે અંધારપટ જોવા મળ્યો, જેના કારણે હવાઈ સેવાઓથી લઈને મેટ્રો સુધીના સંચાલનને અસર થઈ. બપોર દરમિયાન, મેડ્રિડથી લિસ્બન સુધીનો મોટો વિસ્તાર અંધારામાં ડૂબી ગયો હતો. આ કટોકટીનો સામનો કરવા માટે બંને દેશોએ તાત્કાલિક પ્રોટોકોલ લાગુ કર્યા છે. હાલમાં આ પાછળના કારણની તપાસ કરવામાં આવી રહી છે. એવું માનવામાં આવે છે કે આ સાયબર હુમલો પણ હોઈ શકે છે.
સ્પેનના રાષ્ટ્રીય ગ્રીડ ઓપરેટર ‘રેડ ઇલેક્ટ્રિકા’ એ એક નિવેદન જારી કરીને જણાવ્યું હતું કે દેશભરમાં વીજ પુરવઠો પુનઃસ્થાપિત કરવા માટે ક્ષેત્રની કંપનીઓ સાથે મળીને અનેક નક્કર પગલાં લેવામાં આવી રહ્યા છે. તે જ સમયે, પોર્ટુગલના ગ્રીડ ઓપરેટર ‘E-Redes’ એ જણાવ્યું હતું કે યુરોપિયન પાવર ગ્રીડમાં સમસ્યાને કારણે આ કટોકટી ઊભી થઈ છે. શરૂઆતની તપાસમાં, વોલ્ટેજ અસંતુલન એ મુખ્ય કારણ માનવામાં આવે છે જેના કારણે પાવર સિસ્ટમ સંપૂર્ણપણે તૂટી ગઈ.
બ્લેકઆઉટને કારણે ટ્રાફિક લાઇટ કામ કરતી બંધ થઈ ગઈ અને મેટ્રો સેવાઓ ઠપ થઈ ગઈ, જેના કારણે રસ્તાઓ પર અંધાધૂંધી ફેલાઈ ગઈ. હોસ્પિટલોમાં આવશ્યક સેવાઓ બેકઅપ જનરેટરની મદદથી ચલાવવામાં આવી રહી છે, પરંતુ અધિકારીઓએ હોસ્પિટલ સ્ટાફને કમ્પ્યુટર બંધ કરવા અને વીજળી બચાવવા માટે અન્ય પગલાં લેવા સૂચના આપી છે. હાલમાં, આ કટોકટી કેટલો સમય ચાલુ રહેશે તે સ્પષ્ટ નથી. પરિસ્થિતિને સંભાળવા માટે સ્પેનમાં એક કટોકટી વ્યવસ્થાપન સમિતિની રચના કરવામાં આવી છે.
સ્પેનિશ અધિકારીઓએ કહ્યું છે કે અત્યાર સુધી બ્લેકઆઉટનું કારણ સાયબર હુમલો હોવાની શક્યતા નકારી શકાય નહીં. આની સંપૂર્ણ તપાસ કરવામાં આવી રહી છે. આ પહેલા પણ, યુરોપમાં નાની ટેકનિકલ ખામીઓને કારણે મોટા પ્રમાણમાં બ્લેકઆઉટ થયા છે. 2003 માં, સ્વિટ્ઝર્લૅન્ડમાં એક ઝાડ વીજળીની લાઇન કાપી નાખતાં આખું ઇટાલી અંધકારમાં ડૂબી ગયું હતું. તેથી, આ વખતે પણ ટેકનિકલ સમસ્યા અથવા સાયબર હુમલાની શક્યતાઓને ધ્યાનમાં રાખીને તપાસ હાથ ધરવામાં આવી રહી છે.
પરિસ્થિતિની ગંભીરતાને ધ્યાનમાં રાખીને, સ્પેનિશ વહીવટીતંત્રે સામાન્ય લોકોને અપીલ કરી છે કે તેઓ કટોકટી સેવાઓને બિનજરૂરી કોલ ન કરે, કારણ કે ટેલિફોન સેન્ટરો પહેલાથી જ કોલથી ભરાઈ ગયા છે. યુરોપિયન કમિશન વર્ષોથી દેશો વચ્ચે વધુ સારી ઉર્જા પ્રણાલીના એકીકરણની જરૂરિયાત પર ભાર મૂકે છે, પરંતુ પ્રગતિ ધીમી રહી છે. વર્તમાન કટોકટીએ ફરી એકવાર યુરોપને આ દિશામાં ગંભીરતાથી વિચારવા મજબૂર કર્યું છે.
