વૈશ્વિક બજારમાં ભૌગોલિક-રાજકીય તણાવમાં ઘટાડો થવાના સંકેતો વચ્ચે ભારતીય કોમોડિટી માર્કેટ(MCX)માં સોના અને ચાંદીના ભાવમાં અત્યંત આક્રમક તેજી જોવા મળી છે. માત્ર એક જ દિવસમાં ચાંદીના ભાવમાં ₹7,684 અને સોનામાં ₹2,429 સુધીનો જંગી વધારો નોંધાયો છે.
તસવીરના આંકડા મુજબ, ચાંદીનો અગાઉનો બંધ ભાવ ₹2,44,316.00 હતો. આજે બજાર ખુલતાની સાથે જ ચાંદી ₹2,49,316.00ના ભાવે ઓપન થઈ હતી. સમાચાર લખાયા સુધીમાં ચાંદીનો ભાવ વધીને ₹2,50,550.00ના સ્તરે પહોંચી ગયો છે, જે તેના અગાઉના બંધ ભાવથી ₹6,234.00(+2.55%)નો વધારો દર્શાવે છે. દિવસ દરમિયાન ચાંદીએ ₹2,52,000.00ની હાઇ સપાટીને પણ સ્પર્શ કર્યો હતો.
સોનાના બજારમાં પણ સમાન સ્થિતિ જોવા મળી છે. સોનાનો અગાઉનો બંધ ભાવ ₹1,49,753.00 હતો. આજે સોનું ₹1,52,000.00ના ઊંચા ભાવે ઓપન થયું હતું. હાલમાં સોનું ₹1,51,818.00 પર ટ્રેડ કરી રહ્યું છે, જે શુક્રવારના બંધ ભાવથી ₹2,065.00(+1.38%)નો વધારો સૂચવે છે. સોનાએ આજે ₹1,52,182.00ની સર્વોચ્ચ સપાટી બનાવી છે.
