મોરબીના લાલપર ગામે વિદેશી દારૂના જથ્થા સાથે બે ઝડપાયા

મોરબી તાલુકા પોલીસે લાલપર ગામની સીમમાં બાવળની કાંટમાં છુપાવીને રાખેલ વિદેશી દારૂ અને બીયરના જથ્થા સાથે બે શખ્સોને ઝડપી પાડી ધોરણસરની કાર્યવાહી હાથ ધરી છે

મોરબી તાલુકા પોલીસ મથકના પી આઈ કે જે વાળાના માર્ગદર્શન હેઠળ પોલીસ સ્ટાફ પેટ્રોલિંગમાં હોય દરમિયાન સ્ટાફના દિવ્યરાજસિંહ જાડેજા અને ભગીરથભાઈ લોખીલને બાતમી મળી હતી કે લાલપર ગામની સીમમાં આવેલ શૈલેષ કાંટા પાછળ બાવળની કાંટમાં બે સખ્શોએ વિદેશી દારૂ અને બીયરનો જથ્થો છુપાવીને રાખ્યો હોવાની બાતમીના આધારે દરોડો પાડતા ત્યાંથી વિદેશી દારૂની બોટલ નંગ ૬૦ કીમત રૂ.૨૫૨૦૦, બીયરના ટીન નંગ ૪૮ કીમત રૂ.૪૮૦૦ અને પાઉંચ નંગ ૯૬ કીમત રૂ.૯૬૦૦ સાથે આરોપી જગદીશભાઈ સાધાભાઈ સવસેટા અને મોહિતસિંહ અશોકસિંહ જાડેજાને પોલીસે ઝડપી પાડી ધોરણસરની કાર્યવાહી હાથ ધરી છે