ગાઝા પટ્ટી પર ઈઝરાયેલી સેનાના તાજેતરના હુમલામાં ઓછામાં ઓછા 200 પેલેસ્ટિનિયન માર્યા ગયા છે. પેલેસ્ટિનિયન અધિકારીઓએ બુધવારે આ માહિતી આપી હતી. IDF દ્વારા આ હુમલો ત્યારે સામે આવ્યો છે જ્યારે હમાસ અને ઇઝરાયેલ વચ્ચે થોડા કલાકો પહેલા જ ચાર દિવસીય યુદ્ધવિરામની જાહેરાત કરવામાં આવી હતી. આ હુમલાઓથી હમાસ એલર્ટ થઈ ગયું છે. સમજૂતી મુજબ ગુરુવારે સવારે 10 વાગ્યાથી યુદ્ધવિરામ શરૂ થવાનો છે જે રવિવાર સુધી ચાલુ રહી શકે છે. ઈઝરાયેલના હુમલાને કારણે કરાર તૂટવાનો ભય છે.
હમાસની આગેવાની હેઠળની ગાઝા સરકારના સંદેશાવ્યવહાર વિભાગે બુધવારે જણાવ્યું હતું કે યુદ્ધવિરામ કરાર હોવા છતાં ઇઝરાયેલની સૈન્ય કાર્યવાહીમાં કોઈ વિક્ષેપ આવ્યો નથી. આઈડીએફની કામગીરીના પરિણામે, મંગળવાર સવારથી 24 કલાકમાં ગાઝાના વિવિધ વિસ્તારોમાં થયેલા હુમલામાં 200 થી વધુ પેલેસ્ટિનિયન માર્યા ગયા છે.
બુધવારે યુદ્ધગ્રસ્ત પ્રદેશના વિવિધ ભાગોમાં ભારે બોમ્બમારામાં 80 થી વધુ લોકો માર્યા ગયા, જેમાં મોટાભાગની મહિલાઓ અને બાળકો હતા. હુમલા દરમિયાન ઘરો, ઇમારતો, રહેણાંક એપાર્ટમેન્ટ્સ અને જાહેર અને ખાનગી મિલકતોને વ્યાપક નુકસાનની પણ જાણ કરી હતી.
સ્થાનિક મીડિયાના જણાવ્યા અનુસાર ઇઝરાયલી યુદ્ધ વિમાનોએ મધ્યરાત્રિ પછી તરત જ સ્ટ્રીપમાં રહેણાંક ઘરોને નિશાન બનાવ્યા, જેમાં 41 લોકો માર્યા ગયા અને ડઝનેક ઘાયલ થયા. ઘણા લોકો હજુ પણ ગુમ છે, જેઓ કાટમાળ નીચે દટાયા હોવાનું માનવામાં આવે છે. ગાઝા સિટીના શેખ રદવાનમાં બે ઘરો પર થયેલા હવાઈ હુમલામાં ઓછામાં ઓછા 10 નાગરિકો માર્યા ગયા અને ઘણા લોકો ઘાયલ થયા. ઉત્તરીય શહેર જબાલિયામાં પણ ઇઝરાયેલી બોમ્બમારામાં ડઝનેક લોકો માર્યા ગયા હતા.
ગાઝાના અધિકારીઓના જણાવ્યા અનુસાર ચાર દિવસીય યુદ્ધવિરામ કરાર બાદ ઈઝરાયેલની સેનાએ હુમલા તેજ કર્યા છે. હમાસ સાથે ગાઝા સમજૂતી બાદ ઇઝરાયેલી સૈનિકોએ સતત ત્રીજા દિવસે પટ્ટીના ઉત્તરમાં ઇન્ડોનેશિયન હોસ્પિટલને ઘેરી લીધી. બે દિવસ પહેલા આ વિસ્તારમાં ગોળીબારમાં એક ડઝન લોકો માર્યા ગયા હતા. ગુરુવારે સવારે 10 વાગ્યાથી યુદ્ધવિરામ શરૂ થવાનો છે, તે પહેલા સતત ઇઝરાયેલ હુમલાઓએ હમાસની રાતોની ઊંઘ હરામ કરી દીધી છે. હમાસના અધિકારીઓએ કહ્યું કે યુદ્ધવિરામ કરાર છતાં ઇઝરાયલે તેનું સૈન્ય અભિયાન બંધ કર્યું નથી.
ઈજિપ્ત અને કતારની મધ્યસ્થીથી ઈઝરાયેલ અને હમાસના આતંકવાદીઓ વચ્ચે ચાર દિવસીય યુદ્ધવિરામ પર સહમતિ બની છે. જેમાં ઈઝરાયેલ 50 બંધકોને છોડાવવાના બદલામાં 4 દિવસ સુધી શાંતિપૂર્ણ રહેશે.
પરશોત્તમ રૂપાલાના વિવાદ વચ્ચે કબરાઉ મોગલ ધામના મણીધર બાપુ ક્ષત્રિયાણીઓ ને વિનંતી કરતા બાપુ :જુઓ વિડિયો
- Video Not Found!!
- Error Code : 403
- Message : The request cannot be completed because you have exceeded your quota.
