કોલકાતા રેપ કાંડમાં Supreme Court એ લીધો મોટો નિર્ણય
કોલકાતા રેપ-મર્ડર કેસ, Supreme Court એ સુઓમોટો લીધો, 20 ઓગસ્ટે થશે સુનાવણી, હોસ્પિટલ નજીક કલમ 163 લાગુ કોલકાતાની આરજી કર મેડિકલ કોલેજ અને હોસ્પિટલમાં એક મહિલા ડૉક્ટર પર બળાત્કાર અને હત્યા કરવામાં...
કોલકાતાની આરજી કર મેડિકલ કોલેજ અને હોસ્પિટલમાં એક મહિલા ડૉક્ટર પર બળાત્કાર અને હત્યા કરવામાં આવી હતી. આ મામલાને લઈને દેશભરમાં ગુસ્સો છે, ત્યારે તેની તપાસ CBI ને સોંપવામાં આવી છે. હાલમાં, આ બધાની વચ્ચે, સુપ્રીમ કોર્ટે (Supreme Court) હવે આરજી કર મેડિકલ કોલેજ અને હત્યા કેસમાં સુઓ મોટો સંજ્ઞાન લીધું છે. તમને જણાવી દઈએ કે સુપ્રીમ કોર્ટ (Supreme Court)ના ત્રણ જજોની બેન્ચ આ કેસની સુનાવણી કરશે. આ કેસની સુનાવણી 20 ઓગસ્ટ, મંગળવારે થશે.
હોસ્પિટલના ડોક્ટર પર બળાત્કાર અને હત્યાની ઘટના બાદ કોલકાતા સહિત દેશભરમાં દેખાવો અને હડતાળ થઈ રહી છે. IMA એ આ મામલે દેશવ્યાપી હડતાળનું પણ આહ્વાન કર્યું હતું. આ સિવાય IMA એ પણ PM મોદીને પત્ર લખીને આ મામલે હસ્તક્ષેપની માંગ કરી હતી. આ સાથે IMA એ PM મોદી પાસે ડોકટરોની સુરક્ષા માટે કેન્દ્રીય કાયદો બનાવવાની પણ માંગ કરી હતી. હાલ CBI આ કેસની તપાસ કરી રહી છે. મુખ્ય શકમંદોની પણ પૂછપરછ કરવામાં આવી રહી છે.
કોલકાતા પોલીસે રવિવાર 18 ઓગસ્ટથી 24 ઓગસ્ટ સુધી આરજી કર મેડિકલ કોલેજ અને હોસ્પિટલ નજીક પ્રતિબંધિત આદેશ લાગુ કર્યો છે, જે હેઠળ 5 થી વધુ લોકોના એકઠા થવા પર પ્રતિબંધ રહેશે. મહિલા ડૉક્ટર પર બળાત્કાર અને હત્યાનો મામલો સામે આવ્યા બાદ આરજી કર હોસ્પિટલ વિરોધનું કેન્દ્ર બની ગઈ છે. એક આદેશમાં કહેવામાં આવ્યું છે કે કોલકાતા પોલીસે હોસ્પિટલની આસપાસ ભારતીય નાગરિક સંરક્ષણ સંહિતા (BNS) ની કલમ 163 (2) લાગુ કરી છે. એવું કહેવામાં આવ્યું છે કે હોસ્પિટલની આસપાસના વિસ્તારમાંથી શ્યામબજાર પાંચ પોઇન્ટ ક્રોસિંગ સુધી પ્રતિબંધિત આદેશો લાદવામાં આવ્યા છે. આદેશ અનુસાર, ભારતીય ન્યાય સંહિતા (BNS), 2023 ની કલમ 223 હેઠળ પ્રતિબંધિત આદેશનું ઉલ્લંઘન કરનાર વ્યક્તિ સામે કાર્યવાહી કરી શકાય છે.
