શ્રી કરશનપર પ્રાથમિક શાળાના પ્રતિભાશાળી વિદ્યાર્થી મહેતા ફેનિલનું સન્માન કરવામાં આવ્યું.

શિક્ષણ વિભાગ, ગુજરાત સરકાર-ગાંધીનગર દ્વારા પ્રેરિત અને જામનગર જિલ્લા શિક્ષણાધિકારી કચેરી દ્વારા આયોજીત શિક્ષક દિવસ અંતર્ગત શ્રેષ્ઠ શિક્ષકો અને પ્રતિભાશાળી વિદ્યાર્થીઓનો જિલ્લા કક્ષાનો સન્માન સમારોહમાં જામનગર જિલ્લા પ્રભારી મંત્રીશ્રી પ્રવાસન ,વન અને પર્યાવરણ મંત્રીશ્રી માન.મુળુભાઈ બેરા સાહેબના અધ્યક્ષસ્થાને નેશનલ હાઈસ્કૂલ જામનગર ખાતે યોજાયો .

 આ તકે શ્રી કરશનપર પ્રાથમિક શાળાના પ્રતિભાશાળી વિદ્યાર્થી મહેતા ફેનિલ મુકેશભાઈનું જામનગર જિલ્લા કલેકટરશ્રી દ્વારા પ્રમાણપત્ર આપી સન્માન કરવામાં આવ્યું.  આ પ્રસંગે આદરણીય મૂળુભાઈ બેરા સાહેબ,  જિલ્લા શિક્ષણ અધિકારીશ્રી મહેતા સાહેબ,  પ્રજ્ઞાબેન-બી.આર.સી.જામનગર, મકવાણા સાહેબ-આચાર્યશ્રી અનંતરાય હેમતરામ મહેતા માધ્યમિક શાળા-મોટી ગોપ તેમજ વિવિધ મહાનુભાવો દ્વારા શ્રી કરશનપર પ્રાથમિક શાળા તેમજ ફેનીલને શુભકામનાઓ પાઠવવામાં આવી.

 સતત બીજા વર્ષે પણ જિલ્લા કક્ષાએ શાળાના પ્રતિભાશાળી વિદ્યાર્થીનું સન્માન થતા કરશનપર પ્રાથમિક શાળા અને સમગ્ર ગામ ગૌરવની લાગણી અનુભવે છે.