Rajkot: જામકંડોરણા ગામે દિવ્યાંગ જનો માટે એસેસમેન્ટ કેમ્પ યોજાયો
તા.૨૬/૧૨/૨૦૨૪
વાત્સલ્યમ્ સમાચાર
એસેસમેન્ટ કરી ૧૬૯ લાભાર્થીઓને આશરે ૧૫ લાખ રૂપિયાની સાધન સહાય અપાશે
Rajkot: રાજકોટ જિલ્લાના જામ કંડોરણા તાલુકાના જામકંડોરણા ગામના સી.એચ.સી ખાતે એસેસમેન્ટ કેમ્પનું આયોજન કરવામાં આવ્યું હતું, જેમાં કુલ ૨૯૬ લાભાર્થીઓએ અલગ અલગ પ્રકારની સેવાઓનો લાભ લીધો હતો.
કેમ્પમાં સી.એસ.આર.(CSR) હેઠળ પશ્ચિમ ગુજરાત વિજ કંપની લી.(PGVCL) તથા ભારત સરકારશ્રીની સ્કીમ ઓફ આસિસ્ટન્ટ ટુ ડિસેબલ્ડ પર્સન્સ ફોર પર્ચેઝ/ફિટીંગ ઓફ એઇડ/એપ્લાંયસ સ્કીમના માધ્યમથી એલીમ્કો કંપની દ્વારા અસ્થિ વિષયક ખામી, સાંભળવાની ક્ષતિ, અંધત્વ, સેરેબ્રલ પલ્સી વગેરે પ્રકારની દિવ્યાંગતા ધરાવતા લાભાર્થીઓ પૈકી સાધન સહાય મેળવવાની પાત્રતા મુજબની દિવ્યાંગતા ધરાવતા લાભાર્થીઓને ટ્રાયસિકલ, વ્હિલચેર, સ્માર્ટફોન, ફોલ્ડીંગ સ્ટીક સહિતના સહાયક ઉપકરણો ઉપલબ્ધ કરાવવા માટેના એસેસમેન્ટ કેમ્પનું આયોજન કરવામાં આવ્યુ હતું. આ કેમ્પમાં આધાર કાર્ડ, મતદાર યાદી, મતદાન જાગૃતિ, ઈ-કેવાયસી, આવકના દાખલા, , નશામુક્ત ભારત, યુ.ડી.આઇ.ડી.કાર્ડ કાઢવાનો સ્ટોલ, ઈ.એન.ટી. સ્ટોલ, ઓર્થો સ્ટોલ, એલીમ્કોનો સ્ટોલ, મેન્ટલ હેલ્થ સ્ટોલ સહીત સરકારની વિવિધ યોજનાના સ્ટોલનો લોકોએ લાભ લીધો હતો.
આ કેમ્પ અન્વયે ૨૯૬ લાભાર્થીઓએ અલગ અલગ પ્રકારની સેવાઓનો લાભ લીધો હતો, જેમાં મેન્ટલ હેલ્થના ૩૬, ઈ.એન.ટી.ના ૧૨, ઓર્થોના ૬૮, ઓપ્થોમોલોજીસ્ટના ૨૭ , એલીમ્કો દ્વારા અન્ય ૧૬૯ લાભાર્થીઓ મળી કુલ ૨૯૬ દિવ્યાંગોના એસેસમેન્ટ કરી આશરે ૧૫ લાખ રૂપિયાની સાધન સહાય આપવામાં આવશે. આ કેમ્પ દરમિયાન ૭૩ નવા અને ૩૬ જુના લાભાર્થીઓ મળી કુલ ૧૦૯ લાભાર્થીઓએ યુ.ડી.આઇ.ડી.કાર્ડ કઢાવ્યા હતા.
આ કેમ્પમાં નાયબ કલેક્ટરશ્રી નાગાજણ.એમ.તરખાલા, મામલતદારશ્રી બી.પી.કતકપરા, રેવન્યુ વિભાગની ટીમ, આરોગ્ય વિભાગના શ્રી કૃપાબેન જાની, શ્રી પાર્થ ધોળકીયા, શ્રી મહેશભાઇ ચૌહાણ, જિલ્લા બાળ સુરક્ષા અધિકારીશ્રી અલ્પેશભાઇ ગૌસ્વામી, સમાજ કલ્યાણ વિભાગની ટીમ, પી.જી.વી.જી.સી.એલ.ના અધિકારીશ્રીઓ સહીત ૮૦ જેટલા કર્મચારીઓ ઉપસ્થિત રહ્યા હતા.
