જૂનાગઢ જિલ્લામાં જુન મહિનાથી જ સતત પડી રહેલા વરસાદના કારણે રસ્તા પર વૃક્ષો ઝાડી ઝાંખરા પડતા રસ્તાની સપાટી પર માઇનોર ડેમેજ, તેમજ નાળા/પુલીયાને નુકશાન થયું છે. જેને રીપેરીગ કરી પૂર્વવત કરવા માટે માર્ગ અને મકાન વિભાગ (રાજય) દ્વારા અવિરત કામગીરી હાથ ધરવામાં આવી રહી છે.આ માટે માર્ગ અને મકાન વિભાગ (રાજય) ના દરેક રસ્તા પર કામગીરી સુપેરે થાય તે માટે મદદનીશ ઇજનેરશ્રી તેમજ અધિક મદદનીશ ઇજનેરશ્રીના સુપર વિઝન હેઠળ ટીમો મુકવામાં આવી છે. જેમના દ્વારા યુદ્ધ ધોરણે કામગીરી હાથ ધરવામાં આવી રહી છે.રસ્તાઓ તેમજ પુલોમાં સમારકામ/સુધારણાની કામગીરીનો ઝડપી બનાવવા જરૂરી મશીનરી તેમજ માનવબળ કામે લગાડવામાં આવેલ છે. જે ટીમ કોઇપણ પરિસ્થિતિમાં તાત્કાલિક ધોરણે કામગીરી કરવા માટે પુર્ણ સજ્જ છે. તેમની કામગીરીનું નિરીક્ષણ નાયબ કાર્યપાલક ઇજનેરશ્રી, તેમજ કાર્યપાલક ઇજનેરશ્રી દ્વારા પણ સતત મોનીટરીંગ કરવામાં આવી રહ્યું છે.
અત્યાર સુધીમાં જુન ૨૦૨૫થી વરસાદના કારણે અસરગ્રત કુલ ૧૮ જેટલા રસ્તા પર ખરાબ સપાટી પર પેચની કામગીરી પુર્ણ કરેલ છે. તેમજ બાકીના રસ્તા પર કામગીરી પ્રગતિમાં છે. વિભાગ હેઠળના કુલ ૯૩ જેટલા પુલોનું નિરીક્ષણ તેમજ જરૂર જણાયેલ પુલો પર સાવચેતીના પગલા લેવામાં આવ્યા છે. બાકીના પુલોના નિરિક્ષણની કામગીરી પ્રગતિમાં છે
