કાલોલ પંથકમાં વરસાદની લાંબા વિરામ બાદ ધમાકેદાર એન્ટ્રી, સતત બીજી વખત ગોમા નદી બે કાંઠે વહેતી જોવા મળી.
તારીખ ૨૮/૦૭/૨૦૨૫
સાજીદ વાઘેલા કાલોલ
કાલોલ શહેર સહિત તાલુકાના ગ્રામ્ય વિસ્તારોમાં ગતમોડી રાતથી મેઘરાજાએ ધમધમાટી બોલાવી છે. જેના કારણે જનજીવન પર વ્યાપક અસર પડી હતી. મધ્ય ગુજરાતમાં હવામાને ફરીથી કરવટ લીધી છે અને કાલોલ શહેર સહિત સમગ્ર તાલુકામાં શનિવારની મોડી રાત્રી એ વરસાદે ધમાકેદાર એન્ટ્રી મારી હતી, જેને કારણે કાલોલ શહેરનું સામાન્ય જીવન અસ્તવ્યસ્ત બની ગયું છે. શનિવાર મોડી રાત્રે થી શરૂ થયેલા ધોધમાર વરસાદના કારણે નીચાણવાળા વિસ્તારોમાં પાણી ભરાઈ ગયું છે, જ્યારે ઉપરવાસમાં ભારે કારણે રવિવારના રોજ ગોમા નદી બે કાંઠે વહેતી થઈ હતી જ્યાં શહેરને જોડતા દોલતપુરા અને ગોળીબાર તરફ જવાના બંને કોઝવે ઉપરથી પાણી વહેતું હોય તે માર્ગ અવરજવર માટે બંધ થઈ ગયા હતાં અને બે દિવસથી શરૂ થયેલા વરસાદે સોમવાર મોડી સાંજ સુધી પંચમહાલ જીલ્લાના તમામ તાલુકાઓમાં સાર્વત્રિક વરસાદ ચાલુ રહ્યો હતો. કાલોલ તાલુકામા પણ વરસાદને કારણે ખેતરો પાણીથી તરબોળ જોના મળ્યા હતા ત્યારે ગોમા નદી પણ સતત આ સીઝનમાં બીજી વખત પાણીથી છલકાઈને બે કાંઠે વહી રહી છે.કાલોલ પંથકમાં ડાંગરના પાકને પણ વરસાદ થતા ખેડૂતો પણ ખુશખુશાલ જોવા મળ્યા છે ત્યારે ભારે વરસાદને કારણે રવિવારના દિવસે લોકોએ ઘરમા જ રહેવાનુ મુનાસિબ માન્યુ હતુ.ગુજરાતમા સર્જાયેલી વરસાદી સિસ્ટમને કારણે રાજ્યના કેટલાક જીલ્લાઓમાં ભારેથી અતિભારે વરસાદની આગાહીના પગલે પંચમહાલ જીલ્લામા પણ પાછલા બે દિવસથી વરસાદી માહોલ જોવા મળી રહ્યો છે. દસ દિવસના વિરામ લીધા બાદ ફરીથી મેઘરાજાએ જાણ કાલોલ તાલુકા ને પાણીથી ભીંજવી નાખવાનુ નક્કી કર્યુ હોય તે રીતે સતત વરસાદ વરસ્યા હતા.કાલોલ પંથકમાં ભારે વરસાદ વરસ્યો હોવાના કારણે અમુક ગ્રામીણ વિસ્તારમા વીજળી પુરવઠો પણ ખોરવાઈ ગયો હતો.ખેતરોમા પાણીથી જાણે તરબોળ થઈ ગયા હતા.અને પાણી ખેતરોમાં પણ વહેતા જોવા મળ્યા હતા ત્યારે ભારે વરસાદને કારણે તાલુકાના નદી નાળા તળાવોમાં પણ નવા નીરની આવક જોવા મળી હતી.
brp_del_th:null;
brp_del_sen:null;
delta:null;
module: photo;hw-remosaic: false;touch: (-1.0, -1.0);sceneMode: 8;cct_value: 0;AI_Scene: (-1, -1);aec_lux: 0.0;aec_lux_index: 0;HdrStatus: auto;albedo: ;confidence: ;motionLevel: -1;weatherinfo: null;temperature: 36;
