વાત્સલ્યમ સમાચાર
મદન વૈષ્ણવ
વલસાડ જિલ્લાના વાપી તાલુકાના ટાંકી ફળિયા, સૂર્યદિપ રેસિડેન્સી, ફ્લેટ નં.૨૦૫, બીજો માળ, હિન્દી સ્કુલ રોડ ખાતે રહેતા ૨૩ વર્ષીય શિવાની રાજેન્દ્ર યાદવ તા.૦૮/૦૮/૨૦૨૫ના રોજ સવારે ૧૦-૦૦ થી ૧૧-૦૦ વાગ્યાના અરસામા પોતાના ઘરેથી તેમની માતાને ‘હું નોકરી માટે ઈન્ટરવ્યુ આપવા જાઉં છું’ અને તેમના પિતાને ફોન કરીને ‘ઘરેથી જાઉં છું’એમ જણાવીને કોઈ અગમ્ય કારણસર કશે જતા રહ્યા હતા. ત્યારબાદ ગુમ થનારે તેમનો ફોન પણ બંધ કરી દીધો હતો. તેમની શોધખોળ કરતા તેમની કોઈ ભાળ મળી નથી અને તેઓ આજદિન સુધી પરત ફર્યા નથી. ગુમ શિવાની મધ્યમ બાંધો, ઘઉંવર્ણ, ગોળ ચહેરો અને ૫ ફૂટ ઊંચાઈ ધરાવે છે. તેમણે મરૂન કલરનો કોર્ડ-સેટ, ડાર્ક ગ્રીન કલરનો દુપટ્ટો અને ચપ્પલ પહેરેલા હતા. તેઓ ગુજરાતી, હિન્દી અને અંગ્રેજી ભાષા જાણે છે. જો કોઈને પણ આ યુવતીની ભાળ મળે તો વાપી ટાઉન પોલીસ સ્ટેશનનો ૮૦૦૦૭૦૫૨૧૭, પોલીસ કંટ્રોલ રૂમ નં.-૦૨૬૩૨-૨૫૩૩૩૩/૨૪૨૯૦૦ અને ઈ-મેઈલ એડ્રેસ sp-val@gujarat.gov.in પર સંપર્ક કરી જાણ કરવા અખબારી યાદીમાં જણાવાયું છે
