MORBI:મોરબી ઓમશાંતિ શાળામાં “ઉડાન – અંતરીક્ષ કિ ઓર” કાર્યક્રમ યોજવામાં આવ્યો
MORBI:મોરબી ઓમશાંતિ શાળામાં “ઉડાન – અંતરીક્ષ કિ ઓર” કાર્યક્રમ યોજવામાં આવ્યો
જય સરદાર એજ્યુકશન ટ્રસ્ટ ટી.ડી.પટેલ સંચાલિત ઓમશાંતિ શાળામાં આજ રોજ અનોખો અને જ્ઞાનવર્ધક કાર્યક્રમ “ઉડાન – અંતરીક્ષ કિ ઓર” યોજાયો. આ કાર્યક્રમ અંતર્ગત શાળાના પરિસરમાં વિશેષ ડોમ થિયેટર સ્થાપવામાં આવ્યું હતું જેમાં વિધાર્થીઓએ અંતરીક્ષની અજોડ માહિતી, ગ્રહ-ઉપગ્રહ, તારામંડળ તથા બ્રહ્માંડના રોચક દ્રશ્યો નિહાળ્યા. આ જીવંત અનુભવે વિધાર્થીઓને વિજ્ઞાન પ્રત્યે નવી ઉત્સુકતા પેદા કરી.
કાર્યક્રમની ખાસ આકર્ષક પળ એ રહી કે, અવકાશયાત્રીએ પોતાનો સ્પેસ સૂટ પહેરીને વિધાર્થીઓ સાથે પરંપરાગત ગરબો રમીને સૌને ચકિત કરી દીધા. આધુનિક વિજ્ઞાન અને ગુજરાતી સંસ્કૃતિનો આ અનોખો સંગમ સૌના હૃદયમાં અવિસ્મરણીય છાપ મૂકી ગયો.
શાળાના સંચાલકમંડળે જણાવ્યું કે આ કાર્યક્રમનો હેતુ બાળકોને અંતરીક્ષ વિજ્ઞાન વિષે પ્રેરણા આપવા તથા નવીન ટેક્નોલોજી સાથે સંસ્કૃતિનું સંકલન કરાવવાનો છે. વિધાર્થીઓ તથા વાલીઓએ આ પ્રયાસની હર્ષભેર પ્રશંસા કરી.
આવો કાર્યક્રમ વિદ્યાર્થીઓના સર્વાંગી વિકાસ માટે પથદર્શક સાબિત થશે એ વિશ્વાસ શાળાએ વ્યક્ત કર્યો છે.
