Rajkot: સૌરાષ્ટ્ર-કચ્છ હિસાબી કેડરના અધિકારી-કર્મચારીઓનો રમતોત્સવ ૩૧મી ઓક્ટોબરે રાજકોટમાં યોજાશે
તા.27/10/2025
વાત્સલયમ્ સમાચાર
ભાઈઓ માટે ક્રિકેટ ટૂર્નામેન્ટ, બહેનો માટે વિવિધ રમત-ગમતનું આયોજન
Rajkot: સૌરાષ્ટ્ર-કચ્છ હિસાબી કેડરમાં ૧૨ જિલ્લાઓમાં ફરજ બજાવતા અધિકારી-કર્મચારીઓનો રમતોત્સવ ૩૧મી ઓક્ટોબરે રાજકોટ ખાતે યોજાશે. જેમાં ભાઈઓ માટે ક્રિકેટ ટૂર્નામેન્ટ જ્યારે બહેનો માટે સંગીત ખુરશી, રસ્સા ખેંચ, લીંબુ ચમચીની સ્પર્ધાઓનું આયોજન કરવામાં આવ્યું છે.
તા. ૩૧મીએ સવારે ૮થી સાંજે ૬ દરમિયાન, કોસ્મિક વિદ્યાસંકુલ મેદાન, ગ્રીન ફિલ્ડ ગ્રાઉન્ડ, જામનગર રોડ ખાતે રમતોની રસાકસી જામશે. ભાઈઓની ક્રિકેટ ટૂર્નામેન્ટમાં આઠ ટીમો જ્યારે વિવિધ રમતોમાં ૪૦થી વધુ બહેનો ભાગ લઈને કૌવત ઝળકાવશે.
સમગ્ર આયોજનને સફળ બનાવવા શ્રી નંદાણીયા, શ્રી કરમૂર, શ્રી દેસાઈ, શ્રી પી.એમ. જાડેજા, શ્રી ગઢવી, શ્રી ડેલાવાળા, શ્રી બારભાયા, શ્રી મુશર, શ્રી ભટ્ટ જ્યારે બહેનોમાં શ્રીમતી જયશ્રી ગોવાણી, સુશ્રી કિર્તીબા વાઘેલા, સુશ્રી ક્રિષ્નાબેન અગ્રાવત, સુશ્રી તૃપ્તિબેન લાંધણોજા, સુશ્રી હેતલબેન ચેતા તેમજ શ્રી ભટ્ટીભાઈ વગેરે જહેમત ઉઠાવી રહ્યા હોવાનું રાજકોટ ઝોનના વિભાગીય નાયબ નિયામક શ્રી આર.જે. માંડલીયાની યાદીમાં જણાવાયું છે.
