વાત્સલ્યમ સમાચાર
મદન વૈષ્ણવ
*પોતાની ખોવાયેલી વસ્તુઓ પરત મળતા ફરિયાદીઓએ રાજીપો વ્યક્ત કર્યો*
ડાંગ જિલ્લા પોલીસ દ્વારા વિવિધ ગુનાઓ, તથા મળેલી અરજી/ફરિયાદો અંતર્ગત કાયદેસરની કાર્યવાહી હાથ ધરી, વિવિધ ચીજ વસ્તુઓ તથા મુદ્દામાલ મુળમાલિકોને ત્વરિત પરત મળી રહે તે હેતુથી ‘તેરા તુજકો અર્પણ’ કાર્યક્રમનું આયોજન કરવામાં આવ્યું હતું.
ડાંગ જિલ્લા પોલીસ વડાશ્રી પૂજા યાદવની અધ્યક્ષતા હેઠળ ઈ/ચા. નાયબ પોલીસ અધિક્ષક શ્રી જે.એચ.સરવૈયા તેમજ આહવા એલ.સી.બીના પી.એસ.આઇ શ્રી કે.જે.નિરંજન સહિતના અધિકારીશ્રીઓની ઉપસ્થિતિમાં આહવા ખાતે ‘તેરા તુજકો અર્પણ’ કાર્યક્રમનું આયોજન કરવામાં આવ્યું હતું.
દરમિયાન જિલ્લાના અરજદારો દ્વારા પોલીસ સ્ટેશનમાં કરાયેલી અલગ અલગ પ્રકારની અરજી/ફરિયાદો પૈકી મોબાઈલ ખોવાઈ જવા બાબતની અરજીઓમાં, જિલ્લાની એલ.સી.બી.શાખા દ્વારા C.E.I.R. (Central Equipment Identity Register) પોર્ટલમાં રજીસ્ટ્રેશન કરી, બીટ ઇન્ચાર્જ તથા જિલ્લા લોકલ ક્રાઇમ બ્રાન્ચના ટેકનીકલ સ્ટાફ સાથે સંકલનમાં રહી, હ્યુમન અને ટેકનીકલ સોર્સથી તપાસ કરી/કરાવી, ખોવાય ગયેલ મોબાઈલ નંગ-૨૬ કિંમત રૂા.૪,૨૭,૭૧૫/- નો મુદ્દામાલ રિકવર કરી અરજદારોને પરત કર્યા હતા.
ઉલ્લેખનીય છે કે, આહવા ખાતે આવેલ એલ.સી.બીના પી.એસ.આઇ શ્રી કે.જે.નિરંજન અને તેઓની ટીમ દ્વારા નાગરીકોની ફરીયાદોને ધ્યાનમાં રાખી ત્વરિત કાર્યવાહી કરી ખોલાયેલા મોબાઇલ શોધી કાઢવામાં આવે છે. આ કાર્યક્રમ દરમિયાન નાગરિકોને પોતાની વસ્તુઓ પરત મળતા તેઓએ પોલીસની પ્રશંસનીય કામગીરીને બીરદાવી રાજીપો વ્યક્ત કર્યો હતો. આ પ્રસંગે લોકલ ક્રાઇમ બ્રાન્ચ આહવાના સ્ટાફ સહિત નાગરિકો ઉપસ્થિત રહ્યા હતા.
