MORBI:મોરબીના ગૂંગણ ગામની સીમમાં માંથી વિદેશી દારૂ અને બિયરનો જથ્થો ઝડપાયો
MORBI:મોરબીના ગૂંગણ ગામની સીમમાં માંથી વિદેશી દારૂ અને બિયરનો જથ્થો ઝડપાયો
મોરબી તાલુકાના ગુંગણ ગામની સીમમાં આવેલ વોકળામાંથી ઈંગ્લીશ દારૂની ૩૧૨ બોટલ તથા બિયરના ૧૨૦ નંગ ટીન જેની કુલ કિ.રૂ. ૩.૪૯ લાખનો ગેરકાયદેસારનો જથ્થો તાલુકા પોલીસ ટીમ દ્વારા ઝડપી લેવામાં આવ્યો છે. રેઇડ દરમિયાન આરોપી હાજર નહિ મળી આવતા, પોલીસે તેને ફરાર જાહેર કરી આગળની તપાસ શરૂ કરી છે.
મોરબી તાલુકા પોલીસ મથકના પીઆઇની સુચના તેમજ માર્ગદર્શન અનુસાર સર્વેલન્સ ટીમ પ્રોહીબિશન/જુગાર અંગે પેટ્રોલીંગમાં હોય તે દરમ્યાન બાતમી હકીકત મળેલ કે, મોરબી તાલુકાના ગુંગણ ગામની સીમમાં ગુંગણ ગામની વીડીમાં મેલડીમાંના મંદિરની પાસે દેરાળા જવાના રસ્તે બાવળની કોટમાં આવેલ વોકરામાં અરમાનભાઇ ઇકબાલભાઇ જુણેજા નામનો ઇસમ ખાખી કલરના પુઠ્ઠાના બોકસની હેરાફેરી કરી કાંઇક શંકાસ્પદ પ્રવૃત્તિ કરે છે જે હકીકત આધારે ઉપરોક્ત જગ્યાએ તાલુકા પોલીસ ટીમે રેઇડ કરી હતી. ત્યારે ઉપરોક્ત સ્થળેથી વિદેશી દારૂની અલગ-અલગ બ્રાન્ડની શીલપેક કુલ બોટલો નંગ-૩૧૨ કિ.રૂ.૩,૨૭,૬૦૦/- તથા બિયર ટીન-૧૨૦ કિ.રૂ.૨૧,૬૦૦/- એમ ફૂલ કિ.રૂ.૩,૪૯,૨૦૦/-નો મુદ્દામાલ ઝડપી લેવામાં આવ્યો હતો. રેઇડ દરમિયાન આરોપી અરમાનભાઇ ઇકબાલભાઇ જુણેજા રહે.ઉમા ટાઉનશીપની સામે વેજીટેબલ રોડ મફતીયાપરા મોરબી-૦૨ વાળો હાજર ન મળી આવતા તેને આ કેસમાં વોન્ટેડ જાહેર કરી આરોપી વિરુદ્ધ પ્રોહી.એક્ટ હેઠળ ગુનો નોંધી વધુ તપાસની તજવીજ હાથ ધરી છે.
