વાત્સલ્યમ્ સમાચાર.
રિપોર્ટ :- રમેશ મહેશ્વરી – ભચાઉ કચ્છ.
ભચાઉ,તા – ૧૦ નવેમ્બર : ભચાઉ તાલુકા ના ખારોઈ સરકારી માધ્યમિક શાળા ખાતે તાલુકા આરોગ્ય અધિકારી ડૉ.નારાયણ સિંઘ,મનફરા પ્રા.આ.કેન્દ્ર ના મેડિકલ ઓફિસર ડો.દર્શન પટેલ,ડો.વિભૂતિ કોટડીયા ના માર્ગદર્શન હેઠળ રાષ્ટ્રીય તમાકુ નિયંત્રણ કાર્યક્રમ (NTCP) અન્વયે “તમાકુ મુક્ત યુવા અભિયાન 3.0” અંતર્ગત વકતૃત્વ સ્પર્ધા, રેલી સાથે જનજાગૃતિ કાર્યક્રમ યોજાયો હતો. આ કાર્યક્રમમાં COTPA-૨૦૦૩ (Cigarettes and Other Tobacco Products Act, 2003)ના નિયમો વિશે માર્ગદર્શન તથા મોઢાના કેન્સર જેવા ગંભીર રોગોના જોખમો અંગે માહિતી આપવામાં આવી હતી. જેમાં તાલુકા હેલ્થ સુપરવાઈઝર દિપકભાઈ દરજી, સૂર્યકાંત પરીખ, વજુભાઈ વાઢેર, કૌશિક સુતરીયા , શાળા ના આચાર્ય ભાવેશ કુમાર પ્રજાપતિ, શિક્ષીકા સંધ્યાબેન વરમોરા, નિકિતાબેન સોલંકી હાજર રહી માર્ગદર્શન આપેલ.કાર્યક્રમના અંતે પરિવાર, સમાજ, રાષ્ટ્ર તમાકુ મુક્ત બને તે માટે પ્રતિજ્ઞા લેવામાં આવી હતી. અભિયાનનો મુખ્ય હેતુ યુવાનોમાં તમાકુથી થતાં નુકસાન અંગે જાગૃતિ ફેલાવવાનો અને તેમને વ્યસનમુક્ત જીવન જીવવા માટે પ્રેરિત કરવાનો છે. તમાકુના વ્યસનથી કેન્સર, શ્વાસની તકલીફ, બ્રોનકાઈટીસ, કાયમી ખાંસી, ન્યુમોનિયાની તકલીફ થાય છે. પાન-મસાલા, ગુટખાથી મોઢાનું કેન્સર થવાની શક્યતા વધી જાય છે. મોઢા સાથે સંકળાયેલ અવયવો દાંત, અન્નનળી, સ્વર પેટી, સ્વાદુપીંડ વગેરેને પણ અસર થાય છે સાથે વાહક જન્ય રોગ અટકાયતી પગલાઓ, આરોગ્ય યોજનાઓ અંગે માર્ગદર્શન આપવામાં આવેલ.
