WAKANER:વાંકાનેર ફાયરીંગ બટની આજુબાજુના વિસ્તારમાં તા.૬ થી ૧૦ જાન્યુઆરી દરમિયાન પ્રવેશબંધી
વાંકાનેર ફાયરીંગ બટ ખાતે પશ્ચિમ રેલવે સબ ડિવિઝન રાજકોટના પોલીસ અધિકારીશ્રીઓ/કર્મચારીશ્રીઓની વર્ષ-૨૦૨૫ની વાર્ષિક ફાયરિંગ પ્રેક્ટિસ લેવાની હોવાથી ૦૬/૦૧/૨૦૨૬ થી ૧૦/૦૧/૨૦૨૬ દરમિયાન વાંકાનેર ફાયરીંગ બટની આજુબાજુના વિસ્તારમાં રાહદારીઓ તેમજ વાહનો માટે પ્રવેશબંધી કરવા અંગે અધિક જિલ્લા મેજિસ્ટ્રેટશ્રી એસ.જે. ખાચર, મોરબી દ્વારા જાહેરનામું પ્રસિદ્ધ કરવામાં આવ્યું છે.આ જાહેરનામામાં જણાવ્યા અનુસાર મોરબી જિલ્લાના વાંકાનેર ખાતે ફાયરીંગ બટ વાંકાનેર રેલ્વે લાઈન તરફ સિંધાવદર રેલ્વે ફાટકથી વાંકાનેર તરફ જતા રેલ્વે લાઈનને સમાંતર સામે અમરનગર ફાટક પાસે, ઉતરે આવેલ ડુંગરની ધાર પાસે આવેલ છે.તે ફાયરીંગ બટ વિસ્તારમાં ૦૬/૦૧/૨૦૨૬ થી ૧૦/૦૧/૨૦૨૬ દરમિયાન જાહેર જનતાને પ્રવેશવું નહીં, ત્યાંથી પસાર થવું નહીં, કોઈ વાહનો કે ઢોર સાથે ત્યાંથી પસાર થવું નહીં. ઉક્ત પ્રતિબંધાત્મક હુકમનો ભંગ અથવા ઉલ્લંઘન કરનારી વ્યક્તિ હેઠળ શિક્ષાપાત્ર થશે.
