MORBI:ઉચ્ચ શૈક્ષણિક સંસ્થા વિરાણી સ્કૂલના ટ્રસ્ટી પદેથી જિલ્લા ભાજપ પ્રમુખ જયંતિભાઈ રાજકોટિયાને હટાવવા પીપળીયાએ કરી માંગ
MORBI:ઉચ્ચ શૈક્ષણિક સંસ્થા વિરાણી સ્કૂલના ટ્રસ્ટી પદેથી જિલ્લા ભાજપ પ્રમુખ જયંતિભાઈ રાજકોટિયાને હટાવવા પીપળીયા એ કરી માંગ
રાજકોટની પ્રતિષ્ઠિત શૈક્ષણિક સંસ્થા વિરાણી હાઈસ્કૂલના ગ્રાઉન્ડના વિવાદે હવે નવો વળાંક લીધો છે. મોરબી જિલ્લા ભાજપ પ્રમુખ અને વિરાણી હાઈસ્કૂલના ટ્રસ્ટી જયંતીભાઈ રાજકોટિયા કરોડો રૂપિયાના દેવામાં ડૂબી ગયા હોવાને કારણે દુબઈ ભાગી ગયા હોવાની સોશિયલ મીડિયા પોસ્ટ અને નિવેદનોએ રાજકીય અને શૈક્ષણિક જગતમાં ભારે ખળભળાટ મચાવ્યો છે.
છેલ્લા કેટલાક સમયથી વિરાણી હાઈસ્કૂલના મેદાનને લઈને વિવાદ ચાલી રહ્યો છે. આ દરમિયાન સંસ્થાના ભૂતપૂર્વ વિદ્યાર્થી પુરુષોત્તમ પીપળીયાએ એક ચોંકાવનારું નિવેદન આપતા જણાવ્યું છે કે, સંસ્થાના ટ્રસ્ટી જયંતી રાજકોટિયા પર કરોડો રૂપિયાનું દેવું થઈ ગયું છે. આ આર્થિક બોજને કારણે તેઓ હાલ દેશ છોડીને દુબઈ જતા રહ્યા હોવાની ચર્ચાઓએ જોર પકડ્યું છે.
કરોડોનું દેવું : જયંતીભાઈ રાજકોટિયા આર્થિક સંકટમાં હોવાથી તેઓ વિદેશ ગમન કરી ગયા હોવાનો દાવો.ટ્રસ્ટી પદેથી હટાવવાની માંગ: વિરાણી હાઈસ્કૂલ જેવી ઉચ્ચ શૈક્ષણિક સંસ્થાની ગરિમા જાળવવા માટે જયંતી રાજકોટિયાને તાત્કાલિક ટ્રસ્ટી પદેથી દૂર કરવામાં આવે તેવી માંગ ઉઠી છે.
ભાજપના જવાબદાર પદ પર હોવા છતાં આ પ્રકારની ગંભીર પરિસ્થિતિ સર્જાતા અનેક તર્ક-વિતર્ક થઈ રહ્યા છે.
“એક પ્રતિષ્ઠિત શૈક્ષણિક સંસ્થાના ટ્રસ્ટી જ્યારે કરોડોના દેવામાં ડૂબીને વિદેશ ભાગી જાય, ત્યારે સંસ્થાના ભવિષ્ય અને પારદર્શિતા સામે સવાલો ઉભા થાય છે. તેમને તુરંત પદભ્રષ્ટ કરવા જોઈએ.” — પુરુષોત્તમ પીપળીયા (ભૂતપૂર્વ વિદ્યાર્થી)
જયંતીભાઈ રાજકોટિયા માત્ર ટ્રસ્ટી જ નહીં પરંતુ મોરબી જિલ્લા ભાજપના પ્રમુખ જેવું મહત્વનું પદ પણ સંભાળી રહ્યા છે. આ સમાચાર વાયુવેગે પ્રસરતા ભાજપના આંતરિક વર્તુળોમાં પણ ચર્ચાનો વિષય બન્યો છે. જોકે, આ બાબતે હજુ સુધી ભાજપ સંગઠન તરફથી કોઈ સત્તાવાર સ્પષ્ટતા સામે આવી નથી.
