JODIYA:બાલંભાના શાંતિનગર ચામુંડા માતાજી મંદિરે ‘માતૃ-પિતૃ પૂજન દિવસ’ની ભવ્ય ઉજવણી: સંસ્કાર અને સંસ્કૃતિનો અનોખો સંગમ
JODIYA:બાલંભાના શાંતિનગર ચામુંડા માતાજી મંદિરે ‘માતૃ-પિતૃ પૂજન દિવસ’ની ભવ્ય ઉજવણી: સંસ્કાર અને સંસ્કૃતિનો અનોખો સંગમ
શાંતિનગર-બાલંભા સ્થિત શ્રી ચામુંડા માતાજી મંદિરના પ્રાંગણમાં ‘માતૃ-પિતૃ પૂજન દિવસ’ અત્યંત ભાવપૂર્ણ અને સંસ્કારસભર વાતાવરણમાં ઉજવવામાં આવ્યો હતો. આ કાર્યક્રમમાં આસપાસના વિસ્તારના બાળકો, તેમના વાલીઓ તેમજ ગામના અગ્રણી નાગરિકો મોટી સંખ્યામાં ઉપસ્થિત રહ્યા હતા.
કાર્યક્રમ દરમિયાન ઉપસ્થિત બાળકોએ ભારતીય સંસ્કૃતિની પરંપરા મુજબ પોતાના માતા-પિતા અને શિક્ષકોનું વિધિવત પૂજન કરી તેમના આશીર્વાદ પ્રાપ્ત કર્યા હતા. આ પ્રસંગે બાળકોને જીવનમાં માતા-પિતાના અમૂલ્ય સ્થાન અને તેમના પ્રત્યેની ફરજો વિશે પ્રેરણાદાયક માર્ગદર્શન આપવામાં આવ્યું હતું. કૌટુંબિક પ્રેમ અને નૈતિક મૂલ્યોને ઉજાગર કરતો આ કાર્યક્રમ ઉપસ્થિત સૌ કોઈ માટે ભાવનાત્મક બની રહ્યો હતો.
મંદિર ટ્રસ્ટ દ્વારા જણાવાયું હતું કે, વર્તમાન સમયમાં નવી પેઢીમાં સંસ્કારોનું સિંચન થાય અને પરિવારમાં પરસ્પર પ્રેમ તથા સન્માન વધે તે હેતુથી આવા કાર્યક્રમોનું આયોજન કરવું અનિવાર્ય છે. કાર્યક્રમના સમાપન બાદ તમામ ભક્તો માટે માં ચામુંડાના આશીર્વાદ સ્વરૂપે ભોજન પ્રસાદની સુંદર વ્યવસ્થા કરવામાં આવી હતી.
