MALIYA (Miyana):માળીયા (મી.)નવલખી પોર્ટ પર ટ્રક ટ્રેઇલરે શ્રમિક યુવકને અડફેટે લેતા ઘટના સ્થળે મોત નિપજ્યું
MALIYA (Miyana):માળીયા (મી.)નવલખી પોર્ટ પર ટ્રક ટ્રેઇલરે શ્રમિક યુવકને અડફેટે લેતા ઘટના સ્થળે મોત નિપજ્યું
નવલખી પોર્ટ પર ગત રાત્રિના સમયે એક હૃદયદ્રાવક અકસ્માત સર્જાયો હતો. પોર્ટ પર મજૂરી કામ કરી પરત ફરી રહેલા વવાણીયા ગામના યુવાનને બેફામ ગતિએ આવતા ટ્રક ટ્રેઇલરે અડફેટે લેતા યુવકનું ઘટનાસ્થળે જ કમકમાટીભર્યું મોત નીપજ્યું હતું. અકસ્માત સર્જી ટ્રક ચાલક વાહન મૂકીને ફરાર થઈ ગયો હતો.
તાલપત્રી બાંધીને પરત ફરતા સમયે કાળ ભેટ્યો
પ્રાપ્ત વિગતો અનુસાર, માળીયા મિયાણા તાલુકાના વવાણીયા ગામે રહેતા સીદીકભાઈ ઇશાભાઈ બુચડ નવલખી પોર્ટ ખાતે ટ્રકોમાં તાલપત્રી બાંધવાની મજૂરી કરતા હતા. ગઈકાલે તા. 13 ફેબ્રુઆરીની રાત્રે પ્લોટ નં. 10-સી પાસે તેઓ પોતાનું કામ પતાવીને પગપાળા જઈ રહ્યા હતા. આ દરમિયાન પાછળથી પૂરઝડપે આવી રહેલા ટ્રક ટ્રેઇલર (નંબર: RJ-06-GC-3373) ના ચાલકે સીદીકભાઈને જોરદાર ટક્કર મારી હતી. માથા પર વ્હીલ ફરી વળતા મોત અકસ્માત એટલો ભયાનક હતો કે ટક્કર લાગતા જ સીદીકભાઈ રસ્તા પર પટકાયા હતા અને ટ્રકનું વ્હીલ તેમના માથા પર ફરી વળ્યું હતું. માથું છૂંદાઈ જવાને કારણે યુવાનનું સ્થળ પર જ મોત નીપજ્યું હતું. અકસ્માત બાદ ટ્રક ચાલક પોતાની ટ્રક મૂકીને અંધારાનો લાભ લઈ નાસી છૂટ્યો હતો.પોલીસ કાર્યવાહી ઘટનાની જાણ થતા જ મૃતકના પિતા ઇશાભાઈ ઉમરભાઈ બુચડે માળીયા (મી) પોલીસ મથકમાં ફરિયાદ નોંધાવી છે. પોલીસે આરોપી ટ્રક ચાલક વિરુદ્ધ ગુનો દાખલ કરી તેને ઝડપી પાડવા માટે તપાસના ચક્રો ગતિમાન કર્યા છે. આ ઘટનાથી વવાણીયા ગામ અને શ્રમિક આલમમાં શોકનું મોજું ફરી વળ્યું છે.
