MORBI:મોરબીની કથળતી કાયદો-વ્યવસ્થા મુદ્દે ભાજપના પૂર્વ હોદ્દેદારની CM અને PMO લેખિતમાં રજૂઆત કરી
MORBI:મોરબીની કથળતી કાયદો-વ્યવસ્થા મુદ્દે ભાજપના પૂર્વ હોદ્દેદારની CM અને PMO લેખિતમાં રજૂઆત કરી
મોરબી જિલ્લામાં છેલ્લા એક સપ્તાહમાં બનેલી દારૂબંધીના ભંગ, ચોરી અને હત્યા જેવી ગંભીર ગુનાહિત ઘટનાઓને પગલે જનતામાં ફફડાટ વ્યાપી ગયો છે. આ બાબતે મોરબી જિલ્લા ભાજપ કિસાન મોરચાના પૂર્વ ઉપપ્રમુખ અજયભાઈ ઝાલરિયા દ્વારા આકરા તેવર અપનાવીને રાજ્યના મુખ્યમંત્રી, કેન્દ્રીય શાસન અને સ્થાનિક પ્રશાસનને આવેદનપત્ર પાઠવી ઉચ્ચસ્તરીય કડક કાર્યવાહીની માંગ કરવામાં આવી છે.
આવેદનપત્રમાં મુખ્યત્વે ત્રણ ગંભીર ઘટનાઓનો ઉલ્લેખ કરવામાં આવ્યો છે જેણે મોરબીની શાંતિ ડહોળી છે:
-માળીયા વિસ્તારમાં સ્ટેટ મોનિટરિંગ સેલ દ્વારા લાખો રૂપિયાનો વિદેશી દારૂ ઝડપાયો, જે સ્થાનિક પોલીસની કામગીરી સામે પ્રશ્નો ઉભા કરે છે.રોહીસાણામાં ચોરી: માળીયા તાલુકાના રોહીસાણા ગામમાં રાત્રિ દરમિયાન તસ્કરોએ આતંક મચાવી વિવિધ જગ્યાએ ચોરી કરી હોવાના બનાવ બન્યા છે.મોરબી શહેરના હાર્દ સમાન શનાળા રોડ પર જતીન રસિકભાઈ સોની નામના આશાસ્પદ યુવાનની ક્રૂરતાપૂર્વક હત્યા કરવામાં આવતા સમગ્ર પંથકમાં ચકચાર મચી ગઈ છે.કડક કાર્યવાહીની માંગ અજયભાઈ ઝાલરિયાએ જણાવ્યું હતું કે, મોરબી જિલ્લાનું સામાન્ય જનજીવન સુરક્ષિત અને સુદ્રઢ રહે તે માટે “ઉગ્રવાદી અને અપરાધિક તત્વો” વિરુદ્ધ કાયદેસરની કડક અને નિર્ણાયક કાર્યવાહી થવી અનિવાર્ય છે. તેમણે માંગ કરી છે કે આવી ઘટનાઓનું ભવિષ્યમાં પુનરાવર્તન ન થાય તે માટે પોલીસ તંત્રએ “ઝીરો ટોલરન્સ” નીતિ અપનાવવી જોઈએ.”મોરબીની જનતાની સુરક્ષા અને શાંતિ સાથે બાંધછોડ ન થવી જોઈએ. જે પણ તત્વો ગુનાહિત સાજિશ રચે છે તેમને વહેલી તકે જેલના સળિયા પાછળ ધકેલી કડક દાખલો બેસાડવો જોઈએ.” – અજયભાઈ ઝાલરિયા (પૂર્વ ઉપપ્રમુખ, ભાજપ કિસાન મોરચા) ઉચ્ચ સ્તરે રજૂઆત આ મુદ્દે તંત્ર સફાળું જાગે તે હેતુથી પ્રધાનમંત્રી કાર્યાલય (PMO) ન્યુ દિલ્હી, મુખ્યમંત્રી ગુજરાત રાજ્ય, જિલ્લા કલેક્ટર અને મોરબી મહાનગરપાલિકા કમિશનરને લેખિતમાં રજૂઆત કરવામાં આવી છે. આ આવેદનપત્ર બાદ હવે જોવાનું એ રહેશે કે પ્રશાસન ગુનેગારોને ડામવા માટે કેવા નક્કર પગલાં ભરે છે.
