MALIYA (Miyana) માળિયા (મી) પોલીસે વિદેશી દારૂના જથ્થા સાથે એક શખ્સને ઝડપી લીધો
માળિયા (મી) પોલીસે વિદેશી દારૂના જથ્થા સાથે એક શખ્સને ઝડપી લીધો
ગુજરાતમાં દારૂબંધીના કાયદાના કડક અમલ માટે પોલીસ સતર્ક બની છે, ત્યારે માળિયા મીયાણા પોલીસે બાતમીના આધારે કાર્યવાહી કરી વિદેશી દારૂના જથ્થા સાથે એક શખ્સને ઝડપી પાડ્યો છે.
મળતી માહિતી મુજબ, માળિયા મીયાણા પોલીસની ટીમ વિસ્તારમાં પેટ્રોલિંગમાં હતી. આ દરમિયાન પોલીસને બાતમી મળી હતી કે ત્રણ રસ્તા પાસે આવેલા સલીમ અકબરના રહેણાંક મકાન નજીક વિદેશી દારૂનો જથ્થો છુપાવવામાં આવ્યો છે અને તેનું વેચાણ કરવાની પેરવી ચાલી રહી છે.
પોલીસે સ્થળ પર તપાસ હાથ ધરતા ત્યાંથી રૂપિયા 7,290 ની કિંમતની વિદેશી દારૂની કુલ 27 બોટલ મળી આવી હતી. પોલીસે આ મુદ્દામાલ સાથે અબ્દુલભાઈ સુલેમાનભાઈ સખાયા (ઉંમર વર્ષ 23), રહે. વાડા વિસ્તાર, માળિયા વાળાને રંગેહાથ ઝડપી લીધો હતો.
પોલીસે ઝડપાયેલા આરોપી વિરુદ્ધ પ્રોહિબિશન એક્ટ હેઠળ ગુનો નોંધી, દારૂનો જથ્થો ક્યાંથી આવ્યો અને આમાં અન્ય કોણ સંડોવાયેલું છે તે દિશામાં તપાસ તેજ કરી છે.
