વિજાપુર શ્રીમતી આર.આર.એચ. પટેલ મહિલા આર્ટસ કોલેજમાં યુથ એસેમ્બલી યોજાઈ
સ્પર્ધા માં 12 વિધાર્થીઓ એ ભાગ લીધો
વાત્સલ્યમ સમાચાર
સૈયદજી બુખારી વિજાપુર
વિજાપુર ટીબી રોડ ઉપર આવેલ શ્રીમતી આર.આર.એચ. પટેલ મહિલા આર્ટસ કોલેજ ખાતે જિલ્લા યુવા અને સાંસ્કૃતિક પ્રવૃત્તિઓની કચેરી, મહેસાણા દ્વારા યુથ એસેમ્બલી 2025-26 કાર્યક્રમનું આયોજન કરવામાં આવ્યું હતું. આ કાર્યક્રમમાં વિદ્યાર્થીઓએ ઉત્સાહભેર ભાગ લીધો હતો તેમજ સમકાલીન અને રાષ્ટ્રીય મુદ્દાઓ પર પોતાના વિચારો રજૂ કરી લોકશાહી પ્રત્યેની જાગૃતિ વ્યક્ત કરી હતી.
કાર્યક્રમના ઉદ્ઘાટન સમારંભમાં ટ્રસ્ટી જે.પી. પટેલ, અશોકભાઈ પટેલ તથા બી.કે. પટેલ ઉપસ્થિત રહ્યા હતા.આ કાર્યક્રમનો પ્રારંભ આચાર્ય ડો. સુરેશભાઈ પટેલના પ્રસંગોચિત પ્રવચનથી થયો હતો. 
તેમણે યુવાનોને સમાજજીવનમાં સક્રિય ભાગ ભજવવા અને જવાબદાર નાગરિક બનવા માટે પ્રેરણા આપી હતી. સ્પર્ધામાં કુલ ૧૨ વિદ્યાર્થીઓએ ભાગ લીધો હતો. ડો. પી.ડી. શુક્લા, ડો. વી.બી. પટેલ તથા પ્રાધ્યાપક મનસુખભાઈ મારુએ નિર્ણાયક તરીકે કામગીરી સંભાળી હતી.
સ્પર્ધાના અંતે ચાવડા નીશીતાબા પ્રથમ, સિંધી વૈશાલી દ્વિતીય અને લખવારા દિવ્યા તૃતીય ક્રમે વિજેતા જાહેર થયા હતા. કાર્યક્રમની પૂર્ણાહુતિ પ્રસંગે ચેતનભાઈ પટેલ, રાજુભાઈ પટેલ, શિલ્પાબેન પટેલ તથા અંકિતભાઈ પટેલ ઉપસ્થિત રહ્યા હતા. સમગ્ર કાર્યક્રમનું સંચાલન આચાર્ય ડો. એસ.એસ. પટેલના માર્ગદર્શન હેઠળ ડો. વર્ષાબા જાડેજાએ સુચારૂ રીતે સંભાળ્યું હતું.
