MORBI:મોરબી સમાધાનના બહાને બોલાવી યુવક પર પાઈપ વડે હુમલો, જાનથી મારી નાખવાની ધમકી
MORBI:મોરબી સમાધાનના બહાને બોલાવી યુવક પર પાઈપ વડે હુમલો, જાનથી મારી નાખવાની ધમકી
મોરબી: શહેરના વિશીપરા વિસ્તારમાં અગાઉ થયેલી માથાકૂટનું મનદુઃખ રાખી એક યુવકને સમાધાન કરવાના બહાને બોલાવી, લોખંડના પાઈપ વડે બેરહેમીથી માર મારવામાં આવ્યો હોવાની ઘટના સામે આવી છે. આ મામલે ભોગ બનનાર યુવકે ત્રણ વ્યક્તિઓ વિરુદ્ધ મોરબી સિટી બી ડિવિઝન પોલીસ મથકમાં ફરિયાદ નોંધાવી છે.
મળતી માહિતી મુજબ, મોરબીના વિશીપરા ધોળેશ્વર રોડ પર આવેલ કુલીનગર-૦૧ માં રહેતા ઇમરાનભાઈ હનીફભાઇ સુમરા (ઉ.વ. ૩૫) ને આરોપીઓએ સમાધાન કરવા માટે ગુલાબનગર બોલાવ્યા હતા.ઇમરાનભાઈને અગાઉ આરોપી સલમાબેન સાથે કોઈ બાબતે બોલાચાલી થઈ હતી. આ બાબતનું નિરાકરણ લાવવાના બહાને આરોપી આસીફ અને અરબાઝે તેમને બોલાવ્યા હતા. જોકે, ત્યાં પહોંચતા જ આરોપીઓએ ઉશ્કેરાઈ જઈ ઇમરાનભાઈ પર હુમલો કર્યો હતો.
ફરિયાદમાં જણાવ્યા અનુસાર આરોપીઓએ ઇમરાનભાઈને પીઠના ભાગે લોખંડનો પાઈપ ફટકારી નીચે પાડી દીધા હતા.
ત્યારબાદ બંને પગના ભાગે ગંભીર ઈજાઓ પહોંચાડી હતી.
હુમલા દરમિયાન આરોપીઓએ ગાળાગાળી કરી જાનથી મારી નાખવાની ધમકી પણ આપી હતી.ઇમરાનભાઈની ફરિયાદના આધારે મોરબી સિટી બી ડિવિઝન પોલીસે નીચે મુજબના આરોપીઓ વિરુદ્ધ ગુનો નોંધ્યો છે:આસીફભાઇ હુશેનભાઇ સુમરા,અરબાઝભાઇ હુશેનભાઇ સુમરા
સલમાબેન હુશેનભાઇ સુમરા,પોલીસે આ મામલે આઈ.પી.સી.ની સંબંધિત કલમો હેઠળ ગુનો નોંધી આરોપીઓની અટકાયત કરવા ચક્રો ગતિમાન કર્યા છે.
