MORBI:મોરબી સાસરીયાઓના ત્રાસથી કંટાળી પ્રાથમિક શિક્ષિકાએ નોંધાવી ફરિયાદ; પતિ સહિત 6 સામે ગુનો દાખલ
MORBI:મોરબી: સાસરીયાઓના ત્રાસથી કંટાળી પ્રાથમિક શિક્ષિકાએ નોંધાવી ફરિયાદ; પતિ સહિત 6 સામે ગુનો દાખલ
શહેરમાં ઘરકંકાસ અને દહેજ રૂપી દુષણનો વધુ એક કિસ્સો પ્રકાશમાં આવ્યો છે. મોરબીમાં રહેતી અને પ્રાથમિક શાળામાં શિક્ષિકા તરીકે ફરજ બજાવતી પરિણીતાએ પોતાના પતિ, સાસુ-સસરા અને નણંદ-નણંદોઈ સહિત કુલ 6 વ્યક્તિઓ સામે શારીરિક-માનસિક ત્રાસની ફરિયાદ મહિલા પોલીસ સ્ટેશનમાં નોંધાવી છે.
મળતી માહિતી મુજબ, મોરબીના સામાકાંઠે આવેલી સિધ્ધાર્થ સોસાયટીમાં હાલ પોતાના પિતાના ઘરે રહેતા હેતલબેન જયકિશનભાઈ રાઠોડ (ઉ.વ. 35) એ આક્ષેપ કર્યો છે કે લગ્નજીવન દરમિયાન તેમના સાસરીયાઓ દ્વારા તેમને સતત પરેશાન કરવામાં આવતા હતા. હેતલબેન વ્યવસાયે શિક્ષિકા હોવા છતાં, નાની-નાની બાબતોમાં ખટરાગ ઊભો કરી તેમને માનસિક યાતના આપવામાં આવતી હતી.
પરિણીતાએ 6 સાસરીયાઓ વિરુદ્ધ નામજોગ ફરિયાદ નોંધાવી છે:જયકિશનભાઈ ભાણજીભાઈ રાઠોડ (પતિ) – રહે. ચોટીલા,ભાણજીભાઈ શિવાભાઈ રાઠોડ (સસરા) – રહે. ચોટીલા,જયાબેન ભાણજીભાઈ રાઠોડ (સાસુ) – રહે. ચોટીલા,ઉપેન્દ્રભાઈ ભાણજીભાઈ રાઠોડ (દિયર) – રહે. નખત્રાણા, કચ્છ,દીપિકાબેન હરેશભાઈ પરમાર (નણંદ) – રહે. રાણીપ, અમદાવાદ,હરેશભાઈ ગણેશભાઈ પરમાર (નણંદોઈ) – રહે. રાણીપ, અમદાવાદ ,દહેજ અને મેણાટોણા: ફરિયાદમાં જણાવ્યા મુજબ, ઘરકામ બાબતે અને કરિયાવર ઓછો લાવ્યા હોવા બાબતે સાસરીયાઓ અવારનવાર મેણાટોણા મારતા હતા. પતિ દ્વારા અવારનવાર મારકૂટ કરવામાં આવતી હતી અને અન્ય સભ્યો દ્વારા ચડામણી કરીને હેતલબેનને માનસિક રીતે તોડી પાડવાનો પ્રયાસ થતો હતો.
ધમકી: ગાળાગાળી કરી જાનથી મારી નાખવાની ધમકીઓ પણ આપવામાં આવતી હતી.હાલમાં મોરબી મહિલા પોલીસે આ મામલે તમામ 6 આરોપીઓ વિરુદ્ધ આઈ.પી.સી.ની સંબંધિત કલમો હેઠળ ગુનો નોંધી આગળની કાયદેસરની તપાસ હાથ ધરી છે.
