MORBI:મોરબી સાપરની સીમમાં સીસીટીવી કેમેરાનો વ્યૂ બદલવા બાબતે વિવાદ, શખ્સે તોડફોડ કરી રૂ.10 હજારનું નુકસાન કર્યું
MORBI:મોરબી સાપરની સીમમાં સીસીટીવી કેમેરાનો વ્યૂ બદલવા બાબતે વિવાદ, શખ્સે તોડફોડ કરી રૂ.10 હજારનું નુકસાન કર્યું
મોરબી: તાલુકાના સાપર ગામની સીમમાં આવેલ એક શોપિંગ સેન્ટરમાં સીસીટીવી કેમેરાનો વ્યૂ (દ્રશ્ય) બદલવા જેવી નજીવી બાબતે થયેલા વિવાદે ઉગ્ર સ્વરૂપ ધારણ કર્યું હતું. કેમેરાની દિશા ન બદલતા ઉશ્કેરાયેલા શખ્સે તોડફોડ કરી નુકસાન પહોંચાડતા આ મામલો હવે પોલીસ મથકે પહોંચ્યો છે.
મોરબીના જેતપર ગામે ગૌશાળાની સામે રહેતા કિશોરભાઈ અમૃતભાઇ રાઠોડ (ઉ.વ. ૩૫) એ મોરબી તાલુકા પોલીસ સ્ટેશનમાં ફરિયાદ નોંધાવી છે. ફરિયાદ મુજબ:
સ્થળ: સાપર ગામની સીમ, પાવળીયારી કેનાલ પાસે આવેલ શ્રીરામ પ્લાઝા-01 શોપિંગ સેન્ટર.દુકાન નંબર: 37 અને 38. ફરિયાદીની દુકાન બહાર લાગેલા બે સીસીટીવી કેમેરાનો વ્યૂ બદલવા બાબતે આરોપી તૈયબભાઈ મિંયાણાએ દબાણ કર્યું હતું.ફરિયાદમાં જણાવ્યા અનુસાર, આરોપીએ અગાઉ કેમેરાનો વ્યૂ બદલવા માટે ધમકી આપી હતી. જોકે, ફરિયાદીએ કેમેરાની દિશા ન બદલતા, આરોપીએ ઉશ્કેરાઈને અંદાજે રૂપિયા 10,000ની કિંમતના બે કેમેરા તોડી નાખી નુકસાન કર્યું હતું.”સીસીટીવી કેમેરાનો વ્યૂ ન બદલતા આરોપીએ આર્થિક નુકસાન પહોંચાડી કાયદો હાથમાં લીધો હોવાનું ફરિયાદમાં ઉલ્લેખાયું છે.”મોરબી તાલુકા પોલીસે કિશોરભાઈની ફરિયાદના આધારે આરોપી તૈયબભાઈ મિંયાણા વિરુદ્ધ ગુનો નોંધી કાયદેસરની તપાસ હાથ ધરી છે.
