WAKANER:વાંકાનેર પંથકમાં :’સૌની’ યોજના અંતર્ગત તળાવો ભરવાના કાર્યનો ભવ્ય શુભારંભ
WAKANER:વાંકાનેર પંથકમાં :’સૌની’ યોજના અંતર્ગત તળાવો ભરવાના કાર્યનો ભવ્ય શુભારંભ
મોરબી જિલ્લાના વાંકાનેર તાલુકાના ગ્રામ્ય વિસ્તારો માટે આજે હરખના સમાચાર આવ્યા છે. તાલુકાના ખેડૂતો અને પશુપાલકોની જીવાદોરી સમાન તળાવોને નર્મદાના નીરથી ભરવા માટે ‘સૌની’ (SAUNI) યોજનાની પાઈપલાઈન દ્વારા જોડાણ આપવાના કાર્યનો આજ રોજ વિધિવત શુભારંભ કરવામાં આવ્યો છે.
૩ કિલોમીટરની મર્યાદામાં આવતા જળાશયોને મળશે નવું જીવન આ આયોજન હેઠળ સૌની યોજનાની મુખ્ય પાઈપલાઈનથી ૩ કિલોમીટરની ત્રિજ્યામાં આવતા તમામ તળાવો અને જળાશયોને નર્મદાના પાણીથી ભરી દેવામાં આવશે. આ પ્રોજેક્ટના કારણે આગામી સમયમાં ભૂગર્ભ જળના સ્તર ઊંચા આવશે અને ખેતી માટે સિંચાઈની સુવિધા વધુ સુદ્રઢ બનશે.સ્થાનિક આગેવાનોની પ્રેરક ઉપસ્થિતિ
આ કાર્યના શુભારંભ પ્રસંગે વાંકાનેર તાલુકાના વિવિધ પક્ષ અને સંગઠનના આગેવાનો ઉપસ્થિત રહ્યા હતા, જેમાં:
શ્રીમતી જીજ્ઞાસાબેન મેર (પૂર્વ કારોબારી ચેરમેન, વાંકાનેર તાલુકા પંચાયત) રાજુભાઈ મેર (સરપંચ, રાતડીયા),પ્રેમજીભાઈ માલકીયા (સરપંચ, ચાંચડીયા) ગોરધનભાઈ સરવૈયા (સરપંચ, શેખરડી) આ તમામ મહાનુભાવોએ શાસ્ત્રોક્ત વિધિ અને ઉત્સાહભેર પાઈપલાઈન નાખવાના કાર્યનું ખાતમુહૂર્ત કર્યું હતું.
લોકભાગીદારી અને ઉત્સાહનું વાતાવરણ પાઈપલાઈન અને અન્ય જરૂરી સામગ્રીઓ સ્થળ પર પહોંચતા જ ગ્રામજનોમાં અનેરો ઉત્સાહ જોવા મળ્યો હતો. ઉપસ્થિત આગેવાનોએ આ ભગીરથ કાર્યમાં સૌ ગ્રામજનોને એકજૂથ થઈને મદદરૂપ થવા અને સુવ્યવસ્થિત આયોજનમાં સાથ સહકાર આપવા માટે હાકલ કરી છે.આ કાર્ય પૂર્ણ થતા જ રાતડીયા, ચાંચડીયા અને શેખરડી સહિતના આસપાસના ગામોના તળાવો નર્મદાના નીરથી છલકાઈ જશે, જેનો સીધો લાભ સ્થાનિક ખેતી અને પશુપાલનને મળશે.
