MORBI:મોરબી બજરંગ અખાડા ખાતે આધુનિક સુવિધાઓથી સજ્જ ‘મોડર્ન જીમ’નું નિર્માણ કાર્ય પૂરજોશમાં
MORBI:મોરબી:બજરંગ અખાડા ખાતે આધુનિક સુવિધાઓથી સજ્જ ‘મોડર્ન જીમ’નું નિર્માણ કાર્ય પૂરજોશમાં
મોરબી: મોરબી મહાનગરપાલિકા દ્વારા શહેરના નાગરિકોના આરોગ્ય અને ફિટનેસમાં વધારો કરવાના હેતુથી એક મહત્વપૂર્ણ પ્રોજેક્ટ હાથ ધરવામાં આવ્યો છે. શહેરના ઐતિહાસિક બજરંગ અખાડા ખાતે આધુનિક જીમના ડેવલપમેન્ટનું કામ હાલ પ્રગતિ હેઠળ છે, જે આગામી સમયમાં રમતપ્રેમીઓ અને સ્વાસ્થ્ય પ્રત્યે જાગૃત નાગરિકો માટે આશીર્વાદરૂપ સાબિત થશે.
પ્રોજેક્ટની વર્તમાન સ્થિતિ મહાનગરપાલિકાના જણાવ્યા અનુસાર, આ પ્રોજેક્ટનું ૩૫% જેટલું કામ પૂર્ણ થઈ ચૂક્યું છે. હાલમાં બિલ્ડિંગના પ્રથમ માળના સ્લેબ ભરવાની કામગીરી કાર્યરત છે. કામગીરી નિયમિત ગતિએ ચાલી રહી છે અને તે નિર્ધારિત સમયમર્યાદામાં પૂર્ણ થાય તે માટે પાલિકા તંત્ર દ્વારા સતત દેખરેખ (Monitoring) રાખવામાં આવી રહી છે.
શું હશે વિશેષતાઓ?આ મોડર્ન જીમને અત્યાધુનિક ધોરણો મુજબ તૈયાર કરવામાં આવી રહ્યું છે, જેમાં નીચે મુજબની સુવિધાઓ ઉપલબ્ધ થશે:આધુનિક સાધનો: કસરત માટેના લેટેસ્ટ મશીનો અને ઇક્વિપમેન્ટ્સ.ઉત્તમ ઇન્ફ્રાસ્ટ્રક્ચર: પ્રોપર વેન્ટિલેશન (હવા-ઉજાસ) અને આધુનિક લાઇટિંગ વ્યવસ્થા.
ટ્રેનિંગ સુવિધા: યુવાનોને યોગ્ય માર્ગદર્શન મળી રહે તે માટે ટ્રેનિંગની વિશેષ સગવડ.”નગરજનોને સ્થાનિક સ્તરે જ આરોગ્યપ્રદ જીવનશૈલી અને ફિટનેસ માટે શ્રેષ્ઠ પ્લેટફોર્મ મળી રહે તેવો અમારો પ્રયાસ છે.” – મોરબી મહાનગરપાલિકા
આ પ્રોજેક્ટ પૂર્ણ થયા બાદ મોરબીના યુવાનો અને નગરજનોને ખાનગી જીમ જેવી જ સુવિધાઓ સરકારી સ્તરે ઉપલબ્ધ થશે, જે શહેરના સ્પોર્ટ્સ કલ્ચરને વેગ આપશે.
