MORBI:મોરબી મહાનગરપાલિકાનો માસ્ટરપ્લાન: માધાપરમાં નવું શાક માર્કેટ અને ત્રિકોણ બાગની દુકાનોનું થશે રી-ડેવલપમેન્ટ
MORBI:મોરબી મહાનગરપાલિકાનો માસ્ટરપ્લાન: માધાપરમાં નવું શાક માર્કેટ અને ત્રિકોણ બાગની દુકાનોનું થશે રી-ડેવલપમેન્ટ
રાજ્ય સરકાર દ્વારા મોરબીને મહાનગરપાલિકાનો દરજ્જો આપ્યા બાદ હવે શહેરના આધુનિકીકરણ માટે તંત્ર એક્શન મોડમાં જોવા મળી રહ્યું છે. મોરબી મહાનગરપાલિકાના એસ્ટેટ વિભાગ દ્વારા શહેરના ટ્રાફિક અને માળખાગત સુવિધાઓને સુધારવા માટે બે મોટા પ્રોજેક્ટ્સ પર મહોર મારવામાં આવી છે.
માધાપર ખાતે આધુનિક શાક માર્કેટનું નિર્માણ
શહેરના માધાપર વિસ્તારમાં વધતી જતી ટ્રાફિક સમસ્યાના કાયમી ઉકેલ માટે પાલિકાએ આધુનિક શાક માર્કેટ બનાવવાનો નિર્ણય લીધો છે.વર્તમાન સ્થિતિ: ટેન્ડર પ્રક્રિયા પૂર્ણ કરી સંબંધિત એજન્સીને LOI (Letter of Intent) સુપરત કરી દેવાયો છે. છૂટક વિક્રેતાઓને કાયમી અને વ્યવસ્થિત જગ્યા મળશે, જેનાથી રસ્તા પર થતા અતિક્રમણ અને ટ્રાફિકની ગીચતામાં ઘટાડો થશે.શહેરના હાર્દ સમાન ત્રિકોણ બાગ વિસ્તારમાં આવેલી મ્યુનિસિપલ શોપ્સ હવે નવો અવતાર ધારણ કરશે. વર્ષો જૂની અને જર્જરિત હાલતમાં રહેલી આ દુકાનોના રી-ડેવલપમેન્ટ માટે પાલિકાએ સકારાત્મક ગતિવિધિઓ તેજ કરી છે : પાલિકાના અધિકારીઓએ સ્થાનિક દુકાનદારો સાથે રૂબરૂ બેઠક યોજીને પ્રોજેક્ટ અંગે ચર્ચા કરી હતી. જર્જરિત દુકાનોના સ્થાને અત્યાધુનિક કોમર્શિયલ કોમ્પ્લેક્સ બનાવવામાં આવશે, જે શહેરની શોભામાં વધારો કરવાની સાથે વેપારીઓને આધુનિક સુવિધાઓ પૂરી પાડશે. “મહાનગરપાલિકા તરીકે મોરબીના નાગરિકોને શ્રેષ્ઠ સુવિધાઓ મળે અને વેપાર-રોજગારને વેગ મળે તે દિશામાં આ પ્રોજેક્ટ્સ મહત્વનું સીમાચિહ્ન સાબિત થશે.”
