વાત્સલ્યમ્ સમાચાર,
પૂજા ઠક્કર – મુંદરા કચ્છ.
આખરે ગુજરાતમાં ૧૧,૦૦૦ વિદ્યાસહાયકોની ભરતીની જાહેરાત: ટેટ-૧ પાસ ઉમેદવારો ૧૫ એપ્રિલથી ઓનલાઇન અરજી કરી શકશે
મુંદરા, તા. 1:
ગુજરાતના પ્રાથમિક શિક્ષણ વિભાગ દ્વારા લાખો ઉમેદવારોની રાહનો અંત લાવતા એક ઐતિહાસિક નિર્ણય લેવામાં આવ્યો છે. ગુજરાત રાજ્ય પ્રાથમિક શિક્ષણ પસંદગી સમિતિ દ્વારા ધોરણ ૧ થી ૫ (ગુજરાતી માધ્યમ) માટે કુલ ૧૧,૦૦૦ વિદ્યાસહાયકોની સીધી ભરતીની સત્તાવાર જાહેરાત વર્ષ ૨૦૨૬ માટે પ્રસિદ્ધ કરવામાં આવી છે.
ભરતી પ્રક્રિયાની મુખ્ય વિગતો:
* કુલ જગ્યાઓ: ૧૧,૦૦૦ (અંદાજિત)
* વિભાગ: ધોરણ ૧ થી ૫ (વર્ગ-૩)
* માધ્યમ: ગુજરાતી
* ઓનલાઇન અરજીનો સમયગાળો: તા. ૧૫/૦૪/૨૦૨૬ (સવારે ૧૨:૦૦) થી તા. ૨૪/૦૪/૨૦૨૬ (બપોરે ૧૫:૦૦ કલાક સુધી)
* વેબસાઈટ: https://dpegujarat.in
મહત્વના મુદ્દાઓ:
૧. D.El.Ed. ના અભ્યાસકર્તાઓ માટે તક: જે ઉમેદવારો હાલ D.El.Ed. ના છેલ્લા વર્ષમાં અભ્યાસ કરી રહ્યા હોય અને ટેટ-૧ પાસ હોય, તેઓ પણ આ ભરતીમાં ઉમેદવારી કરી શકશે. પરિણામ જાહેર થયા બાદ તેઓએ ગુણ ઓનલાઇન ઉમેરવાના રહેશે.
૨. જિલ્લાવાર જગ્યાઓ: હાલમાં કુલ જગ્યાઓની જાહેરાત કરાઈ છે. જિલ્લાફેર બદલી કેમ્પની પ્રક્રિયા પૂર્ણ થયા બાદ રોસ્ટર મુજબ જિલ્લાવાર અને શાળાવાર ખાલી જગ્યાઓની વિગતો વેબસાઈટ પર મૂકવામાં આવશે.
૩. દિવ્યાંગ અનામત: કુલ જગ્યાઓ પૈકી ૪ ટકા જગ્યાઓ દિવ્યાંગ ઉમેદવારો માટે અનામત રાખવામાં આવી છે.
૪. અરજી જમા કરાવવાની છેલ્લી તારીખ: ઓનલાઇન ફોર્મ ભર્યા બાદ સ્વીકાર કેન્દ્ર ખાતે અરજી જમા કરાવવા માટે તા. ૨૪/૦૪/૨૦૨૬ (સાંજે ૧૭:૦૦ કલાક) સુધીનો સમય આપવામાં આવ્યો છે.
શિક્ષણ ક્ષેત્રે કારકિર્દી બનાવવા માંગતા અને ટેટ-૧ પાસ લાયકાત ધરાવતા તમામ ઉમેદવારોને વેબસાઈટ પર આપેલી સૂચનાઓનો ઝીણવટપૂર્વક અભ્યાસ કરી સમયમર્યાદામાં અરજી કરવા શિક્ષણ નિયામક પી. કે. ત્રિવેદી દ્વારા જણાવવામાં આવ્યું છે.
વાત્સલ્યમ્ સમાચારમાં મુંદરા-કચ્છના સમાચાર/જાહેરાત આપવા માટે સંપર્ક કરો :
-પુજા ઠક્કર,
9426244508,
ptindia112@gmail.com
