MORBI:મોરબીમાં બે અલગ-અલગ રેસ્ક્યૂ ઓપરેશન: ફાયર ટીમે બે મૃતદેહ બહાર કાઢ્યા.
MORBI:મોરબીમાં બે અલગ-અલગ રેસ્ક્યૂ ઓપરેશન: ફાયર ટીમે બે મૃતદેહ બહાર કાઢ્યા.
મોરબીમાં આજે સવારમા અલગ-અલગ બે સ્થળોએ બનેલી દુખદ ઘટનાઓમાં બે વ્યક્તિઓએ પોતાના જીવ ગુમાવ્યા છે. ફાયર વિભાગને મળેલા રેસ્ક્યૂ કોલ બાદ હાથ ધરાયેલી કામગીરીમાં એક યુવાન અને એક વૃદ્ધના મૃતદેહ મળી આવ્યા હતા.
(૧. )ચરડાવા પાસે કેનાલમાં ડૂબી જવાથી બિહારી યુવાનનું મોત સવારે અંદાજે ૦૯:૩૦ વાગ્યે ફાયર કંટ્રોલ રૂમને પ્રથમ કોલ મળ્યો હતો. જેમાં ચરડાવા નજીક આવેલી કેનાલમાં એક યુવાન ડૂબ્યો હોવાની જાણ કરવામાં આવી હતી.
મૃતકનું નામ: સેરાજ મહમદ (ઉંમર ૨૫ વર્ષ) વતન: વૈશાલી જિલ્લો, બિહાર ઘટનાની ગંભીરતા જોઈ મોરબી અને હળવદ ફાયરની ટીમો તાત્કાલિક ઘટનાસ્થળે પહોંચી હતી.
પરિણામ: આશરે ૨ કલાકની ભારે જહેમત બાદ ફાયર ફાઇટરોએ યુવાનના મૃતદેહને કેનાલમાંથી બહાર કાઢ્યો હતો.
(૨)ઘુંટુ તળાવ પાસે કુવામાં ખાબકતા વૃદ્ધનું નિવારણ
બીજી ઘટના સવારે ૧૦:૩૦ વાગ્યે નોંધાઈ હતી. ઘુંટુ તળાવ પાસે આવેલા એક કુવામાં વૃદ્ધ પડી ગયા હોવાની માહિતી મળતા મોરબી ફાયર ટીમ ઘટનાસ્થળે દોડી ગઈ હતી.
મૃતકનું નામ: ભોવનભાઈ માલાભાઈ રાઠોડ (ઉંમર ૬૫ વર્ષ)
વિગત: કુવામાં ખાબકેલા વૃદ્ધને બચાવવા માટે રેસ્ક્યૂ કામગીરી હાથ ધરવામાં આવી હતી, પરંતુ કમનસીબે તેમનો જીવ બચાવી શકાયો નહોતો. ફાયર ટીમે જહેમત ઉઠાવી વૃદ્ધની બોડીને કુવામાંથી બહાર કાઢી હતી.એક જ સવારમાં બનેલી આ બે કરૂણ ઘટનાઓને પગલે મોરબી પંથકમાં અરેરાટી વ્યાપી ગઈ છે. સ્થાનિક પોલીસ દ્વારા આ બંને મામલે આગળની કાયદેસરની કાર્યવાહી હાથ ધરવામાં આવી છે.
