MALIYA (Miyana):માળિયા(મી): રાયસંગપર રોડ પરથી જામગરી બંદૂક સાથે એક શખ્સ ઝડપાયો
MALIYA (Miyana):માળિયા(મી): રાયસંગપર રોડ પરથી જામગરી બંદૂક સાથે એક શખ્સ ઝડપાયો
સ્થાનિક પોલીસ દ્વારા ગુનાખોરી ડામવા અને કાયદો-વ્યવસ્થાની જાળવણી માટે કરવામાં આવી રહેલા સઘન પેટ્રોલિંગ દરમિયાન એક મોટી સફળતા મળી છે. માળિયા(મી) પોલીસે રાયસંગપર રોડ પરથી એક શખ્સને ગેરકાયદેસર દેશી બનાવટની જામગરી બંદૂક સાથે ઝડપી પાડી કાયદેસરની કાર્યવાહી હાથ ધરી છે.
માળિયા(મી) પોલીસ મથકના પી.આઈ.ના માર્ગદર્શન હેઠળ સર્વેલન્સ ટીમ જ્યારે વિસ્તારમાં પેટ્રોલિંગમાં હતી, ત્યારે તેમને ચોક્કસ બાતમી મળી હતી કે એક ઇસમ હથિયાર સાથે ફરી રહ્યો છે. આ બાતમીના આધારે પોલીસે રાયસંગપર ગામ તરફ જવાના રસ્તા પાસે વોચ ગોઠવી હતી. ત્યાંથી પસાર થતા એક શંકાસ્પદ ઇસમને અટકાવી તેની તલાશી લેતા પોલીસ પણ ચોંકી ઉઠી હતી.ઝડપાયેલ આરોપી અસગરભાઈ રમજાનભાઈ મોવર રહેવાસી: કાજરડા ગામ, તા.માળિયા(મી) કબ્જે કરેલ મુદ્દામાલ: અંદાજે રૂ. ૨,૫૦૦/- ની કિંમતની એક દેશી હાથ બનાવટની જામગરી બંદૂક.પોલીસે આરોપી પાસે બંદૂક રાખવા અંગેના પરવાનાની માંગણી કરતા તેની પાસે કોઈ દસ્તાવેજ મળી આવ્યા નહોતા. આથી, માળિયા(મી) પોલીસે આરોપીની અટકાયત કરી તેની વિરુદ્ધ હથિયારધારા (આર્મ્સ એક્ટ) હેઠળ ગુનો નોંધી આગળની તપાસ શરૂ કરી છે.
