MORBI:મોરબી ભક્તિનગર સોસાયટીના રહીશનું સ્પ્લેન્ડર બાઈક ચોરાયું
મોરબી: શહેરમાં વાહન ચોરીના બનાવો દિન-પ્રતિદિન વધી રહ્યા છે, ત્યારે વધુ એક બાઈક ચોરીની ઘટના સામે આવી છે. મોરબીના ભક્તિનગર સોસાયટી વિસ્તારમાંથી એક અજાણ્યો તસ્કર હીરો કંપનીનું સ્પ્લેન્ડર મોટરસાયકલ ચોરી કરી ફરાર થઈ ગયો છે.
મળતી માહિતી મુજબ, મૂળ મોરબીના શિવમ હોસ્પિટલ પાછળ આવેલી ભક્તિનગર સોસાયટી શેરી નંબર-૧ ના રહેવાસી અને હાલ માળીયા મીયાણા તાલુકાના મોટી બરાર ગામે રહેતા જયેશભાઈ ગોવિંદભાઈ મુચ્છડીયા (ઉ.વ. ૩૮) એ પોતાનું બાઈક ગુમાવ્યું છે.વાહન: હીરો કંપનીનું સ્પ્લેન્ડર પ્લસ રજીસ્ટ્રેશન નંબર: GJ-36-C-2693 અંદાજિત કિંમત: ₹૧૫,૦૦૦/-જયેશભાઈએ આ અંગે મોરબી સિટી બી ડિવિઝન પોલીસ સ્ટેશનમાં અજાણ્યા ચોર વિરુદ્ધ ફરિયાદ નોંધાવી છે. પોલીસે આ મામલે ગુનો નોંધી, આસપાસના સીસીટીવી ફૂટેજ અને બાતમીદારોના આધારે તસ્કરને પકડી પાડવા માટે કાયદેસરની કાર્યવાહી હાથ ધરી છે.
