MORBI:મોરબી-માળીયા હાઈવે પર ટીંબડી પાટીયા પાસે ટ્રકે બાઈકને હડફેટે લેતા એકનું કમકમાટીભર્યું મોત
MORBI:મોરબી-માળીયા હાઈવે પર ટીંબડી પાટીયા પાસે ટ્રકે બાઈકને હડફેટે લેતા એકનું કમકમાટીભર્યું મોત
મોરબી: હાઈવે પર વધુ એક વખત કાળમુખો ટ્રક મોતના પંજા સમાન સાબિત થયો છે. મોરબી-માળીયા હાઈવે પર આવેલ ટીંબડી ગામના પાટીયા પાસે આજે એક ટ્રકે ત્રિપલ સવારી બાઈકને જોરદાર હડફેટે લેતા ગમખ્વાર અકસ્માત સર્જાયો હતો. આ અકસ્માતમાં બાઈક ચાલકનું ઘટનાસ્થળે જ અત્યંત કરૂણ મોત નીપજ્યું છે, જ્યારે અન્ય બે યુવકો ગંભીર રીતે ઈજાગ્રસ્ત થયા છે.
પ્રાપ્ત વિગતો અનુસાર, ટીંબડી પાટીયા પાસે પસાર થઈ રહેલા એક બાઈક પર ત્રણ સવારી યુવકો જઈ રહ્યા હતા. તે દરમિયાન પૂરપાટ ઝડપે આવતા એક ટ્રકે બાઈકને અડફેટે લીધું હતું. અકસ્માત એટલો ભયાનક હતો કે ટ્રકના તોતિંગ વ્હીલ બાઈક ચાલક પર ફરી વળ્યા હતા, જેના કારણે ચાલકનું શરીર રોડ પર જ ચગદાઈ ગયું હતું અને તેનું સ્થળ પર જ પ્રાણપંખેરૂ ઊડી ગયું હતું.બાઈક પર સવાર અન્ય બે યુવકોને પણ ગંભીર ઈજાઓ પહોંચતા તેમને તાત્કાલિક સારવાર માટે હોસ્પિટલ ખસેડવામાં આવ્યા છે.
પોલીસ અને NHAI ની ટીમ દોડી આવી અકસ્માતની જાણ થતા જ સ્થાનિક લોકોના ટોળે-ટોળા ઉમટી પડ્યા હતા. ઘટનાની ગંભીરતાને જોતા મોરબી પોલીસ અને NHAI (નેશનલ હાઈવે ઓથોરિટી ઓફ ઈન્ડિયા) નો મોટો કાફલો ઘટનાસ્થળે દોડી આવ્યો હતો. પોલીસે મૃતદેહને પીએમ અર્થે ખસેડીને આગળની તપાસ હાથ ધરી છે અને હાઈવે પર જામ થયેલા ટ્રાફિકને હળવો કરવાની કામગીરી શરૂ કરી છે. ઓવરબ્રિજની માંગ પ્રબળ બની ટીંબડી પાટીયા પાસે અવારનવાર થતા જીવલેણ અકસ્માતોને કારણે સ્થાનિકો અને વાહનચાલકોમાં ભારે રોષ જોવા મળી રહ્યો છે. આ સ્થળ અકસ્માતનું હબ બની ગયું હોય તેમ અવારનવાર નિર્દોષ લોકો અહીં જીવ ગુમાવે છે.ઓવરબ્રિજની જરૂરિયાત: લોકોની લાંબા સમયથી માંગ છે કે ટીંબડી પાટીયા પાસે ઓવરબ્રિજ બનાવવાની તાતી જરૂર છે. જો વહીવટી તંત્ર દ્વારા વહેલી તકે ઓવરબ્રિજ બનાવવામાં નહીં આવે, તો હજુ પણ અનેક પરિવારો પોતાના વહાલા સોયકાઓને ગુમાવશે તેવી ભીતિ સેવાઈ રહી છે.”હાઈવે પર સતત વધતી ટ્રાફિકની સમસ્યા અને પૂરપાટ ઝડપે દોડતા વાહનો વચ્ચે ટીંબડી પાટીયા પાસે ઓવરબ્રિજ ન હોવો એ જ અકસ્માતોનું મુખ્ય કારણ બની રહ્યું છે.” – સ્થાનિક નાગરિક
