MORBI:મોરબી સ્થાનિક સ્વરાજ્યની ચૂંટણીના ફોર્મ ભરવાનો અંતિમ દિવસ, જાણો ક્યાં કેટલા ફોર્મ ભરાયા
MORBI:મોરબી સ્થાનિક સ્વરાજ્યની ચૂંટણીના ફોર્મ ભરવાનો અંતિમ દિવસ, જાણો ક્યાં કેટલા ફોર્મ ભરાયા
મોરબી: ગુજરાતમાં આગામી સ્થાનિક સ્વરાજ્યની ચૂંટણીઓનો ધમધમાટ તેજ બન્યો છે. મોરબી જિલ્લામાં પણ આજે ઉમેદવારી પત્રો ભરવાના અંતિમ દિવસે રાજકીય માહોલ ગરમાયો હતો. જિલ્લા પંચાયત, તાલુકા પંચાયત અને નગરપાલિકાઓની બેઠકો માટે મોટી સંખ્યામાં ઉમેદવારોએ પોતાની દાવેદારી નોંધાવી છે.
તાલુકા પંચાયતવાર ઉમેદવારોની સ્થિતિ મોરબી જિલ્લાની પાંચ તાલુકા પંચાયતોમાં કુલ મળીને સેંકડો ઉમેદવારોએ ઝંપલાવ્યું છે. જેમાં સૌથી વધુ ઉમેદવારી વાંકાનેરમાં જોવા મળી છે.
વાંકાનેર તાલુકા પંચાયત: ૧૦૩ ઉમેદવારો
હળવદ તાલુકા પંચાયત: ૮૮ ઉમેદવારો
મોરબી તાલુકા પંચાયત: ૮૩ ઉમેદવારો
માળીયા (મી.) તાલુકા પંચાયત: ૭૬ ઉમેદવારો
ટંકારા તાલુકા પંચાયત: ૬૫ ઉમેદવારો
નગરપાલિકાઓમાં જંગ જિલ્લાની ત્રણ નગરપાલિકાઓમાં પણ રસાકસીભર્યો માહોલ જોવા મળી રહ્યો છે. માળીયા મીયાણામાં પાલિકાની બેઠકો માટે સૌથી વધુ ઉત્સાહ જોવા મળ્યો છે.
મોરબી જિલ્લા પંચાયતની કુલ ૨૪ બેઠકો માટે રાજકીય પક્ષો અને અપક્ષો દ્વારા કુલ ૧૧૭ ઉમેદવારી પત્રો ભરાયા છે. હવે આગામી દિવસોમાં ફોર્મની ચકાસણી અને ખેંચવાની પ્રક્રિયા બાદ ચૂંટણીનું સાચું ચિત્ર સ્પષ્ટ થશે. ફોર્મ ભરવાના છેલ્લા દિવસે કલેક્ટર કચેરી અને મામલતદાર કચેરીઓ ખાતે ઉમેદવારો અને સમર્થકોની ભારે ભીડ જોવા મળી હતી. હવે સૌની નજર ફોર્મની ચકાસણી પર ટકેલી છે.
