MORBI આંતરરાષ્ટ્રીય સ્તરે ગેસની કટોકટી વચ્ચે પણ મોરબીના ઉદ્યોગોને રાહત આપવા ગુજરાત ગેસનો હકારાત્મક નિર્ણય
MORBI આંતરરાષ્ટ્રીય સ્તરે ગેસની કટોકટી વચ્ચે પણ મોરબીના ઉદ્યોગોને રાહત આપવા ગુજરાત ગેસનો હકારાત્મક નિર્ણય
મોરબીના સિરામિક ઉદ્યોગને ફરી વેગવંતો બનાવવાના ઉદ્દેશ્ય સાથે આજે ગાંધીનગર ખાતે એક અત્યંત મહત્વપૂર્ણ બેઠક યોજાઈ હતી. ગુજરાત ગેસ લિમિટેડના મેનેજિંગ ડિરેક્ટર શ્રીમતી અવંતિકા મેડમ અને ઉચ્ચ અધિકારીઓ સાથે મોરબી સિરામિક મેન્યુફેક્ચરર્સ એસોસિયેશનના હોદ્દેદારોએ વિસ્તૃત ચર્ચા કરી હતી.
ઉદ્યોગને બેઠો કરવા પર ભાર: આંતરરાષ્ટ્રીય બજારમાં ગેસની કિંમતોમાં અસ્થિરતા હોવા છતાં, મોરબીના સિરામિક એકમોને પરવડે તેવા ભાવે ગેસ પૂરો પાડવા માટે ગુજરાત ગેસ દ્વારા હકારાત્મક અભિગમ દાખવવામાં આવ્યો છે.
ધારદાર રજૂઆત: એસોસિયેશનના પ્રમુખ શ્રી મનોજભાઈ એરવાડીયા, નિલેષ જેતપરીયા, પરેશભાઈ કુંડારીયા અને ગૌતમભાઈ કાંજીયા સહિતના અગ્રણીઓએ ઉદ્યોગની વર્તમાન સ્થિતિ અને ગેસના ભાવ અંગે મક્કમ રજૂઆત કરી હતી.
લાંબી ચર્ચાના અંતે, ઉદ્યોગોને પ્રોત્સાહન મળે અને સ્પર્ધાત્મક ભાવે ગેસ મળી રહે તે બાબતે સહમતિ સાધવામાં આવી હતી.”આગામી સમયમાં સિરામિક ઉદ્યોગ ફરીથી ધમધમતો થાય તે માટે આ નિર્ણય ખૂબ જ નિર્ણાયક સાબિત થશે. અમે ગુજરાત ગેસ લિમિટેડના મેનેજિંગ ડિરેક્ટર શ્રીમતી અવંતિકા મેડમ અને તેમની ટીમનો આ સહકાર બદલ આભાર માનીએ છીએ.”— મનોજભાઈ એરવાડીયા (પ્રમુખ, મોરબી સિરામિક મેન્યુફેક્ચરર્સ એસોસિયેશન)ઉદ્યોગકારોમાં ખુશીનો માહોલ
આ બેઠકના સફળ પરિણામ બાદ મોરબીના ઉદ્યોગકારોમાં આશાનું કિરણ જાગ્યું છે. ગેસના ભાવમાં રાહત મળવાથી આંતરરાષ્ટ્રીય માર્કેટમાં મોરબીની ટાઇલ્સ ફરી મજબૂત સ્પર્ધા કરી શકશે અને ઠપ્પ પડેલા એકમો ફરી કાર્યરત થશે તેવી શક્યતા છે.
