MORBI:મોરબી મહાનગરપાલિકામાં ભાજપનો ભવ્ય વિજય: તમામ 52 બેઠકો પર કેસરીયો લહેરાયો
MORBI:મોરબી મહાનગરપાલિકામાં ભાજપનો ભવ્ય વિજય: તમામ 52 બેઠકો પર કેસરીયો લહેરાયો
વિરોધ પક્ષ મુક્ત મોરબી મનપા: મતદારોએ ભાજપ પર મૂક્યો અતુટ વિશ્વાસ, વિપક્ષનું ખાતું પણ ન ખૂલ્યું.
મોરબી: સ્થાનિક સ્વરાજ્યની ચૂંટણીના પરિણામોમાં મોરબીમાં ભારતીય જનતા પાર્ટીએ ઈતિહાસ રચી દીધો છે. મોરબી મહાનગરપાલિકા (મનપા) ની આ પ્રથમ ચૂંટણીમાં ભાજપે વિપક્ષના સૂપડા સાફ કરી દીધા છે અને તમામ બેઠકો પર એકહથ્થુ શાસન સ્થાપિત કર્યું છે.
ભાજપનો વિજય: 52 માંથી 52 બેઠકો
કુલ વોર્ડ: 13 વોર્ડમાં ભાજપની પેનલનો વિજય
વિપક્ષની સ્થિતિ: 0 (એક પણ બેઠક મળી નથી)
પ્રથમ ચૂંટણીમાં જ ઐતિહાસિક પ્રદર્શન
મોરબી નગરપાલિકામાંથી મહાનગરપાલિકા બન્યા બાદ આ પ્રથમ ચૂંટણી યોજાઈ હતી. મતદારોએ ભાજપના શાસન પર અતુટ વિશ્વાસ મૂક્યો છે. શહેરના તમામ 13 વોર્ડની તમામ 52 બેઠકો પર ભારતીય જનતા પાર્ટીના ઉમેદવારો વિજેતા જાહેર થયા છે.
આ ચૂંટણી પરિણામોમાં સૌથી નોંધપાત્ર બાબત એ રહી કે કોંગ્રેસ કે અન્ય કોઈ પણ વિરોધ પક્ષ મોરબીમાં પોતાનું ખાતું પણ ખોલાવી શક્યા નથી. વિપક્ષને એક પણ બેઠક ન મળતા હવે મોરબી મહાનગરપાલિકામાં વિરોધ પક્ષ વગરનું ભાજપનું એકચક્રી શાસન રહેશે.
