‘ગૌ સન્માન દિવસ’ નિમિત્તે કાલોલ મામલતદાર વિકાસભાઇ પટેલ ને પ્રાર્થના પત્ર સુપરત કરાયું
તારીખ ૦૮/૦૫/૨૦૨૬
સાજીદ વાઘેલા કાલોલ
સમગ્ર ગુજરાતમાં ૭ મેના દિવસને ‘ગૌ સન્માન દિવસ’ તરીકે ઉજવવામાં આવી રહ્યો છે. આ અવસરે કાલોલ નગરના વિવિધ હિન્દુ સંગઠનો અને અગ્રણીઓ દ્વારા ગૌ વંશના રક્ષણ અને સંવર્ધન માટે એકજૂથ થઈ કાલોલના મામલતદાર વિકાસ પટેલને પ્રાર્થના પત્ર પાઠવી રજૂઆત કરવામાં આવી હતી.‘ગૌ સન્માન અમારો અધિકાર’ હિન્દુ સંગઠનો દ્વારા આપવામાં આવેલા આ પ્રાર્થના પત્રમાં મુખ્યત્વે “ગૌ સેવા એ જ રાષ્ટ્ર સેવા” અને **”ગૌ સન્માન અમારો અધિકાર”**ના નારા સાથે ગૌમાતાને યોગ્ય સન્માન મળે તે માટે ભાર મૂકવામાં આવ્યો હતો. આ અભિયાન માત્ર એક રજૂઆત નહીં, પરંતુ ગૌ રક્ષા માટેના એક જન આંદોલન તરીકે જોવામાં આવી રહ્યું છે.પ્રાર્થના પત્રમાં સંગઠનો દ્વારા નીચે મુજબની મહત્વની બાબતો રજૂ કરવામાં આવી હતી:• ગૌ સંવર્ધન: દેશી ગાયોના વંશનું જતન અને સંવર્ધન થાય તે માટે વિશેષ વ્યવસ્થા કરવી.• ગૌ હત્યા પર પ્રતિબંધ: રાજ્યમાં ગૌ હત્યા પર સંપૂર્ણ અને કડક પ્રતિબંધ મૂકવામાં આવે.• ગૌ વંશનું રક્ષણ: રખડતા ગૌ વંશ માટે યોગ્ય આશ્રયસ્થાન અને સુરક્ષાની ખાતરી કરવામાં આવે.જન આંદોલનનો પ્રારંભ
કાલોલ નગરના જાગૃત નાગરિકો અને વિવિધ હિન્દુ સંગઠનોના આગેવાનો મોટી સંખ્યામાં એકત્રિત થઈ મામલતદાર કચેરીએ પહોંચ્યા હતા. ઉપસ્થિત આગેવાનોએ જણાવ્યું હતું કે, ગુજરાતમાં ગૌ સન્માન અભિયાનનો આરંભ થઈ ચૂક્યો છે અને ગૌમાતાના ગૌરવને પુનઃસ્થાપિત કરવા માટે આ લડત આગામી સમયમાં વધુ તેજ બનશે.મામલતદાર વિકાસ પટેલે આ પ્રાર્થના પત્રનો સ્વીકાર કરી તેને યોગ્ય સ્તરે પહોંચાડવાની ખાતરી આપી હતી.
