સાબરકાંઠા : ઈડર તાલુકાના સિયાસણમાં ડુંગર પર દીપડાની વારંવાર દેખાતા લોકોમાં ભયનો માહોલ
**સાબરકાંઠા : ઈડર તાલુકાના સિયાસણમાં ડુંગર પર દીપડાની વારંવાર દેખાતા લોકોમાં ભયનો માહોલ**
સાબરકાંઠા જિલ્લાના ઈડર તાલુકામાં આવેલા સિયાસણ ગામની ભેડા વાળી ડુંગરી(કોદરા બેડી કંપા) વિસ્તારમાં છેલ્લા કેટલાક દિવસોમાં દીપડાની વારંવાર જોવા મળતી ઘટનાઓએ સ્થાનિક લોકોમાં ભારે ભય અને ફફડાટનો માહોલ સર્જ્યો છે.
મલાસા થી બેડાસણ જતા રોડ પર આવેલા ખેતરો, નાના ડુંગરા અને જંગલી વિસ્તારોને કારણે આ વિસ્તાર દીપડા જેવા વન્ય પ્રાણીઓ માટે આદર્શ આવાસ સાબિત થઈ રહ્યો છે. આ રસ્તો પાંચ ગામડાઓ વચ્ચેથી પસાર થાય છે, જેના કારણે સ્થાનિકોને રોજિંદા જીવનમાં મુશ્કેલીનો સામનો કરવો પડી રહ્યો છે.
હ જોવા મળ્યો છે. એક સ્થાનિકે કહ્યું, “અમે સાંજે ખેતરમાંથી પાછા આવતા હોઈએ ત્યારે અચાનક ડુંગર તરફથી તેની હિલચાલ દેખાય છે. બાળકો અને મહિલાઓને ઘરની બહાર નીકળવામાં પણ ભય લાગે છે.”
આ ઘટનાઓની વાતો વિસ્તારમાં ઝડપથી ફેલાઈ રહી છે, જેના કારણે લોકોમાં આતંકનો માહોલ છે. ખાસ કરીને ખેતી-કામ કરતા ખેડૂતો અને શાળાએ જતા બાળકોને આની અસર વધુ પડી રહી છે.
જયંતિ પરમાર સાબરકાંઠા
