MORBI:મોરબી મહાનગરપાલિકાની સરાહનીય કામગીરી: ફાયર શાખા દ્વારા ૮૬ લોકોને અપાઈ અગ્નિશમનની ખાસ ટ્રેનિંગ
MORBI:મોરબી મહાનગરપાલિકાની સરાહનીય કામગીરી: ફાયર શાખા દ્વારા ૮૬ લોકોને અપાઈ અગ્નિશમનની ખાસ ટ્રેનિંગ
શહેરમાં આગની હોનારતો સામે સાવચેતી રાખવા અને જાન-માલનું નુકસાન અટકાવવાના ઉદ્દેશ્ય સાથે મોરબી મહાનગરપાલિકાની અગ્નિશમન શાખા (ફાયર ડિપાર્ટમેન્ટ) દ્વારા તાજેતરમાં એક સપ્તાહ સુધી વ્યાપક પ્રિવેન્શન અને ટ્રેનિંગ ડ્રાઈવ ચલાવવામાં આવી હતી.
ચીફ ફાયર ઓફિસર દ્વારા મળતી માહિતી મુજબ, તા. ૨૪/૦૬/૨૦૨૬ થી ૩૦/૦૬/૨૦૨૬ સુધીના સમયગાળા દરમિયાન મોરબીની અલગ-અલગ સંસ્થાઓમાં કુલ ૮૬ લોકોને ફાયર સેફ્ટીની પ્રાયોગિક ટ્રેનિંગ આપવામાં આવી છે.
હોસ્પિટલ: ૦૨ હોસ્પિટલોમાં ૧૭ સ્ટાફ મેમ્બર્સને.ઔદ્યોગિક એકમો (ઇન્ડસ્ટ્રીઝ): ૦૩ ઇન્ડસ્ટ્રીઝમાં ૫૧ કર્મચારીઓને. પેટ્રોલ પંપ: ૦૧ પેટ્રોલ પંપ પર ૦૮ કર્મચારીઓને.કોમર્શિયલ બિલ્ડીંગ: ૦૧ કોમર્શિયલ બિલ્ડીંગમાં ૧૦ લોકોને.ખામીયુક્ત બિલ્ડીંગો સામે લાલ આંખ: નોટિસ ફટકારાઈ
ફાયર સેફ્ટીના કડક અમલીકરણના ભાગરૂપે ડિપાર્ટમેન્ટ દ્વારા વિવિધ બિલ્ડીંગોમાં ફાયર સેફ્ટી સર્ટિફિકેટ (NOC) અને ફાયર સિસ્ટમ ઇન્સ્ટોલેશનનું આકસ્મિક ચેકિંગ પણ હાથ ધરવામાં આવ્યું હતું. જેમાં જે પણ બિલ્ડીંગોમાં સુરક્ષાને લગતી ખામીઓ કે અપૂર્તતા જોવા મળી, તેમને તાત્કાલિક ધોરણે કાયદેસરની નોટિસ પાઠવી જરૂરી ગાઈડલાઈનનું પાલન કરવા કડક સૂચના આપવામાં આવી છે. આ ઉપરાંત, મળેલ ૦૪ ફાયર સેફ્ટી પ્લાન એપ્રુવલ (FSPA) ની અરજીઓને વધુ મંજૂરી માટે RFO કચેરી ખાતે મોકલી આપવામાં આવી છે.
૦૭ જગ્યાએ આગના બનાવો અને રેસ્કયૂ ઓપરેશન સફળતાપૂર્વક પાર પાડ્યા
આ જ સપ્તાહ દરમિયાન મોરબીમાં અલગ-અલગ ૦૭ સ્થળોએ આગ લાગવાના બનાવો બન્યા હતા અને ૦૧ રેસ્કયૂ કોલ મળ્યો હતો. ફાયર ફાઈટર્સની ટીમે તાત્કાલિક ઘટનાસ્થળે પહોંચી, આધુનિક સાધનો અને પર્સનલ પ્રોટેક્ટિવ ઇક્વિપમેન્ટ (PPE కిట్) ધારણ કરી તમામ સ્થળોએ આગ પર કાબૂ મેળવ્યો હતો અને મોટી હોનારતો ટાળી હતી.
મુખ્ય ઉદ્દેશ્ય: મોરબીના નાગરિકો ફાયર સેફ્ટીના સાધનોનો યોગ્ય ઉપયોગ કરતા શીખે અને કોઈપણ કટોકટીના સમયે સમયસૂચકતા વાપરી મોટી દુર્ઘટના કે જાનહાનિ નિવારી શકાય તે માટે આ જનજાગૃતિ અભિયાન ચલાવવામાં આવી રહ્યું છે.
કોઈપણ આગ કે અકસ્માત જેવી આપત્તિજનક સ્થિતિમાં મોરબી ફાયર એન્ડ ઇમરજન્સી સર્વિસનો તાત્કાલિક સંપર્ક કરવા માટે નીચેના નંબરો જાહેર કરવામાં આવ્યા છે:લેન્ડલાઈન નંબર: (૦૨૮૨૨) ૨૩૦૦૫૦ ટોલ ફ્રી નંબર્સ: ૧૦૧ અથવા ૧૧૨
