વાત્સલ્યમ્ સમાચાર.
રિપોર્ટ :- રમેશ મહેશ્વરી – ભુજ કચ્છ.
ભુજ,તા-૧૫ જુલાઈ : માધાપરિયા પ્રાઇવેટ લિમિટેડ, માધાપર દ્વારા ગરમીમાં જવાનોને રાહત મળી રહે તે હેતુથી BSF ગાંધીધામને વોટર કુલર અને એર કુલરની ભેટ આપવામાં આવી હતી.ભેટ અર્પણ કાર્યક્રમમાં કંપનીના માલિક હંસાબેન માધાપરિયા, હરજીભાઇ માધાપરિયા તથા ડાયરેક્ટરશ્રી આશિષ માધાપરિયા ઉપસ્થિત રહ્યા હતા. તેમના હસ્તે આપવામાં આવેલી ભેટ BSF ગાંધીધામના ડેપ્યુટી કમાન્ડન્ટ શ્રી અમિત કુમાર એ સ્વીકારી હતી. આ પ્રસંગે નાયબ માહિતી નિયામક શ્રી ઘનશ્યામ પેડવા પણ ખાસ ઉપસ્થિત રહ્યા હતા.BSF ના અધિકારીશ્રીએ માધાપરિયા પ્રા. લિ. ના આ સહકાર અને દેશસેવામાં જોડાયેલા જવાનો પ્રત્યેની સંવેદનશીલતાની પ્રશંસા કરી હતી. કંપનીએ જણાવ્યું હતુ કે, તેઓ ભવિષ્યમાં પણ સામાજિક અને રાષ્ટ્રસેવાના કાર્યોમાં આ રીતે સહભાગી બનતા રહેશે.આ પહેલથી યુનિટમાં કાર્યરત જવાનોને ઉનાળામાં ઠંડા પાણી અને ઠંડી હવાની સુવિધા મળી રહેશે.
